«وتە جوعارى جۇقپالى اۋرۋ بولعاننان كەيىن, وكىنىشكە قاراي, باسقا دا مەملەكەتتەردەگى جاعدايدى كورىپ وتىرمىز, ناۋقاستاردىڭ اراسىندا مەديتسينالىق قىزمەتكەرلەر دە بولادى. وسى ماسەلەنى قاراستىرا وتىرىپ, مەديتسينالىق قىزمەتكەر اۋىرىپ قالسا, ولارعا ارنايى الەۋمەتتىك ساقتاندىرۋ قورىنان 2 ملن تەڭگە, ال وتە كۇردەلى جاعداي جانە قايتىس بولعان جاعدايلاردا 10 ملن تەڭگە بولىنەتىن بولادى. بۇل شارالار وتە ماڭىزدى», - دەدى مينيستر.
قازىرگى كۇندە دارىگەرلەرىمىز كۇندىز-ءتۇنى ۇيلەرىنە بارماي, پروۆيزورلىق ستاتسيونارلاردا جۇمىس ىستەپ جاتىر. سونداي-اق مينيستر سانيتارلىق دارىگەرلەردىڭ قاڭتاردان باستاپ اۋەجايلاردا وتە ماڭىزدى سانيتاريالىق جۇمىس جۇرگىزىپ جاتقانىن اتاپ ءوتتى.
«بۇل - مەملەكەت تاراپىنان, مەملەكەت باسشىسىنان ۇلكەن قولداۋ. سوندىقتان بارلىق مەديتسينا قىزمەتكەرلەرى اتىنان پرەزيدەنتكە راحمەتىمدى ايتقىم كەلەدى», دەدى دەنساۋلىق ساقتاۋ ءمينيسترى ەلجان ءبىرتانوۆ.
