ايماقتار • 30 ناۋرىز، 2020

قىزىلوردا: جەدەل شتاب وتىرىسىندا ماڭىزدى ماسەلەلەر تالقىلاندى

462 رەتكورسەتىلدى

بۇگىن وبلىس اكىمى گۇلشارا ابدىقالىقوۆانىڭ توراعالىعىمەن جەدەل شتاب وتىرىسى ءوتتى. جيىندا ايماق باسشىسى قالا، اۋدان اكىمدەرى مەن ءتيىستى سالا باسشىلارىنا بىرقاتار تاپسىرمالار بەردى.

ەڭ الدىمەن تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى قازاقستان رەسپۋبليكاسى باس سانيتاريالىق دارىگەرىنىڭ رەسپۋبليكا كولەمىندە قاۋىپسىزدىك شارالارىن قامتاماسىز ەتۋ تۋرالى №27 جانە قىزىلوردا وبلىسىنىڭ باس سانيتاريالىق دارىگەرىنىڭ №3 قاۋلىلارىنان تۋىندايتىن تالاپتاردى قاتاڭ ساقتاۋ جايلى ايتىلدى.
       ءتيىستى ورىندارعا قاجەتتى بەتپەردە، مەديتسينالىق قۇرال-جابدىق، انتيسەپتيكتەرگە قاجەتتى قارجى كولەمىن ناقتىلاپ، ەسەبىن وبلىستىق ەكونوميكا جانە بيۋدجەتتىك جوسپارلاۋ باسقارماسىنا ۇسىنۋ تاپسىرىلدى. قاشىقتىقتان وقىتۋ بويىنشا ءبىلىم بەرۋ ۇيىمدارى مەن وقۋشىلاردىڭ دايىندىعىن قامتاماسىز ەتۋ دە جۇكتەلدى.

وبلىستىق يندۋستريالىق-يننوۆاتسيالىق دامۋ باسقارماسى ايماقتاعى ءىرى كومپانيالاردىڭ ءوز قاراجاتى ەسەبىنەن بارلىق جۇمىسشىسىن كوروناۆيرۋستى انىقتايتىن تەستەن وتكىزۋىنە ىقپال جاساۋى قاجەت.

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى قىزىلوردا قالاسى جانە اۋداندار اكىمدەرىمەن بىرلەسىپ، وڭىرلەردەگى بوس جۇمىس ورىندارىنا كۇندەلىكتى مونيتورينگ جۇرگىزىپ، جۇمىسسىز ازاماتتاردى جۇمىسپەن قامتۋ بويىنشا ناقتى شارالار قابىلداپ ناتيجەسىن ەكى كۇن مەرزىم ىشىندە وبلىس اكىمىنە بايانداۋى كەرەك.

ازىق-ت ۇلىك قورىن مولايتىپ، ونى جەرگىلىكتى جەرلەرگە جەتكىزۋ ماسەلەسىن رەتتەي وتىرىپ، الەۋمەتتىك ماڭىزى بار تاۋار باعالارىنىڭ شارىقتاۋىنا جول بەرمەۋ اسا ماڭىزدى. وسى ماقساتتا وبلىستىق اۋىل شارۋاشىلىعى باسقارماسىنا 1 ساۋىرگە دەيىن وبلىستىق تۇراقتاندىرۋ قورىن ازىق-ت ۇلىكتىڭ قاجەتتى قورىمەن قامتاماسىز ەتۋ تاپسىرىلدى.  

- كوكتەمگى دالا جۇمىستارىنا دا كوڭىل ءبولۋىمىز قاجەت. سوندىقتان، قىزىلوردا قالاسى مەن اۋدان اكىمدەرى، وبلىستىق اۋىل شارۋاشىلىعى باسقارماسى وسى باعىتتاعى شارالاردى شيراتىپ، «قازسۋشار» مەكەمەسىمەن بىرلەسىپ ورىن الىپ وتىرعان سۋ تاپشىلىعىنا بايلانىستى بيىلعا جوسپارلانعان كۇرىش ەگۋ كولەمىن وڭتايلاندىرسىن. وسى سىن ساعاتتا كاسىپكەرلەر حالىققا قارايلاسىپ، جەكە باسى مۇددەسى ءۇشىن الاياقتىققا، الىپساتارلىققا جول بەرمەۋى ءتيىس. بۇعان دا ەرەكشە نازار اۋدارىڭىزدار.ء بىرىنشى كەزەكتە، جۇمىسسىزدىقتىڭ الدىن الىپ، ازىق-ت ۇلىك پەن ەڭ قاجەتتى تاۋارلاردىڭ، مەديتسينالىق زاتتاردىڭ تاپشىلىعىنا جول بەرمەي، قوعامدىق-ساياسي احۋالدىڭ تۇراقتىلىعىن ساقتاۋىمىز كەرەك، – دەدى وبلىس اكىمى.

سوڭعى جاڭالىقتار

ۇقساس جاڭالىقتار