كوروناۆيرۋس • 30 ناۋرىز، 2020

قازاقستانداعى 74 ناۋقاس باسقا ەلدەردەن ۆيرۋس جۇقتىرىپ كەلگەن

33 رەتكورسەتىلدى

ناۋقاستاردىڭ ىشىندەگى 8 ناۋقاستىڭ جاعدايى اۋىر. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ حابارلادى.

«302 ناۋقاستىڭ اراسىندا 14 جاسقا دەيىنگى 2 بالا بار. 74-ءى باسقا مەملەكەتتەن كەلىپ اۋىرعان ازاماتتار، 97 ناۋقاس باسقا اۋرۋلارمەن قارىم-قاتىناستا بولعان. 131 ناۋقاس وسى ەلدە اۋىرعان، سەبەپتەرى بەلگىسىز. سونىمەن وسى اقپاراتتىڭ نەگىزىندە ءبىز ەلىمىزدە كارانتيندىك شارالاردى كۇشەيتۋگە ۇسىنىستار بەرىپ، بۇگىننەن باستاپ مەملەكەتتىك كوميسسيا وسىنداي شەشىم قابىلداپ، بارلىق وڭىرلەرگە كارانتيندىك شارالاردى كۇشەيتۋ بويىنشا تاپسىرما بەردى»، - دەدى ەلجان ءبىرتانوۆ.

مينيستر ناۋقاستاردىڭ جاعدايىنا توقتالدى.

«8 ناۋقاستىڭ جاعدايى ناشار دەپ سانالادى. 4-ەۋى جاساندى ۆەنتيلياتسيادا، جاعدايلارى رەسپۋبليكالىق باس ماماندارمەن تالقىلانىپ، باقىلاۋدا بولادى. سونىمەن قاتار، ورتانشى جاعدايدا - 30 ناۋقاس، ال 244 ناۋقاس جەڭىل جاعدايدا نەمەسە سيمپتومسىز ناۋقاستار»،-دەدى مينيستر.

بارلىق سانيتاريالىق-دياگنوستيكالىق جانە ەمدەۋ شارالارى بۇرىننان بەكىتىلگەن الگوريتمدەر بويىنشا ەنگىزىلۋدە.

سوڭعى جاڭالىقتار

ۇقساس جاڭالىقتار