لاۋازىمدى تۇلعالار بۇگىن تەلەفون ارقىلى كونفەرەنتسيا وتكىزىپ, 2021 جىلعا اۋىستىرىلعان جازعى وليمپيا ويىندارىن 23 شىلدەسى مەن 8 تامىزى ارالىعىندا ۇيىمداستىرۋعا كەلىسكەن. ال پاراليمپيادا ويىندارى 24 تامىز بەن 5 قىركۇيەك ارالىعىندا وتەدى. ونلاين جيىنعا حوك پرەزيدەنتى توماس باح, توكيو-2020 پرەزيدەنتى موري يوشيرو, توكيو گۋبەرناتورى كويكە يۋريكو قاتىسقان.
جيىن بارىسىندا جازعى سپورت تۇرلەرىندەگى بارلىق حالىقارالىق فەدەراتسيالار مەن ۇلتتىق وليمپيادالىق كوميتەتتەر قابىلدانعان شەشىمدى قولدادى. ايتا كەتەلىك, 24 ناۋرىز كۇنى الەمدە COVID-19 ىندەتىنىڭ بەلەڭ الۋىنا بايلانىستى جاپونيا بيلىگى مەن حوك بىرلەسە وتىرىپ, وليمپيادا ويىندارىن كەلەسى جىلعا قالدىرۋ تۋرالى شەشىم قابىلدادى.
