ايماقتار • 30 ناۋرىز، 2020

قىزىلوردا: وبلىس اكىمى ايماق تۇرعىندارىنا ۇندەۋ جاريالادى

702 رەتكورسەتىلدى

بۇگىن وبلىس اكىمى گۇلشارا ابدىقالىقوۆا كوروناۆيرۋس ىندەتىنىڭ تارالۋىنا بايلانىستى جەرگىلىكتى تەلەارنالار ارقىلى ايماق تۇرعىندارىنا ۇندەۋ جاريالادى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.

ۇندەۋدە كورونوۆيرۋس ىندەتىنىڭ تارالۋىنا بايلانىستى وبلىستا دا قاۋىپسىزدىك شارالارى كۇشەيتىلگەنى ايتىلعان.

بۇگىنگى كۇنگە دەيىن وڭىردە 318 ادام كارانتيننەن ءوتتى. مەملەكەتتىك مەكەمە ماماندارى، دارىگەرلەر كۇشەيتىلگەن رەجيمدە جۇمىس ىستەۋدە. دەگەنمەن، ايماقتا «COVID-19» ۆيرۋسىن جۇقتىرعان 5 ادام انىقتالىپ وتىر.

وبلىستىڭ باس سانيتارلىق دارىگەرىنىڭ 30 ناۋرىز 2020 جىلعى №4 قاۋلىسىمەن 31 ناۋرىز ساعات 00-دەن باستاپ قىزىلوردا قالاسىنا كولىكتىڭ بارلىق تۇرلەرىنىڭ كەلۋىنە جانە شىعۋىنا تىيىم سالىنادى. تەمىرجول قاتىناسىنا شەكتەۋ 1-ساۋىردەن باستالادى.

«وبلىس تۇرعىندارىنان سۇرايتىنىم، شەكتەۋ تالاپتارىن قاتاڭ ساقتاۋعا ءتيىسپىز. قوعامدىق ورىنداردا سەرۋەندەۋدى دوعارىپ، ۇيدەن شىقپاي، دەرتتەن وقشاۋلانعان ءجون. قازىر كەز كەلگەن ادام ۆيرۋس جۇقتىرۋى ىقتيمال. ال قاۋلى ەرەجەسىن بۇزعاندارعا زاڭ اياسىندا شارالار قولدانىلاتىن بولادى.
وڭىردە كوروناۆيرۋس دياگنوزىمەن اۋرۋحاناعا تۇسكەن ەڭ العاشقى ناۋقاستىڭ ماسەلەسىنە كەلسەك، قىزمەتتىك تەكسەرىس جۇرگىزىلۋدە. قاۋىپتى ىندەت بەلگىلەرىنىڭ نەلىكتەن كەش انىقتالعاندىعى قارالادى، – دەدى وبلىس اكىمى.

سوڭعى جاڭالىقتار

ۇقساس جاڭالىقتار