تەننيس • 30 ناۋرىز، 2020

تەننيستەن ۋيمبلدون ءتۋرنيرى كەيىنگە شەگەرىلدى

10 رەت كورسەتىلدى

ۇستىمىزدەگى جىلدىڭ 29 ماۋسىمى مەن 12 شىلدەسى ارالىعىندا وتۋگە ءتيىس «ۇلكەن دۋلىعا» ساناتىنا جاتاتىن ءتورت جارىستىڭ ءبىرى – «ۋيمبلدون» دوداسى كەيىنگە شەگەرىلدى.

ۇلىبريتانيانىڭ استاناسى – لوندوندا ءداستۇرلى تۇردە ءوتىپ تۇراتىن ءتۋرنيردىڭ تۇساۋى سوناۋ 1877 جىلى كەسىلگەن. 143 جىلدىق تاريحى بار «ۋيمبلدوندا» تالاي جاقسىلار مەن جايساڭدار ونەر كورسەتكەنىن جانكۇيەرلەر جاقسى بىلەدى. ەرلەر اراسىندا رودجەر فەدەرەردىڭ شوقتىعى بيىك. 2003-2017 جىلدار ارالىعىندا وتكەن جەكەلەگەن سايىستاردا شۆەيتساريانىڭ ماقتانىشى سەگىز رەت وسى جارىستىڭ جەڭىمپازى اتاندى. ايەلدەر باسەكەسىندە مارتينا ناۆراتيلوۆاعا تەڭ كەلەر ەشكىم جوق. 1978-1990 جىلدار ارالىعىندا  چەحوسلوۆاكيادا تۋىپ-ءوسىپ، كەيىننەن اقش-قا قونىس اۋدارعان تەننيسشى توعىز مارتە توپ جاردى. 

بىلتىرعى جىلعى ەرلەردىڭ جارىسى سەربيالىق سايىپقىران نوۆاك دجوكوۆيچتىڭ جەڭىسىمەن اياقتالدى. فينالدا ول رودجەر فەدەرەردەن باسىم ءتۇستى. ايەلدەردىڭ سايىسىندا سيمونا حالەپتىڭ باعى جاندى. رۋمىنيانىڭ وكىلى شەشۋشى تۇستا امەريكالىق سەرەنا ۋيليامسكە سان سوقتىردى. 

سوڭعى رەت «ۋيمبلدون» ءتۋرنيرى 1945 جىلى كەيىنگە شەگەرىلگەن ەدى. سودان كەيىن باقانداي 75 جىل بويى ول بەلگىلەنگەن ۋاقىتىندا ۇزدىكسىز ۇيىمداستىرىلىپ تۇردى.  مىنە، ەندى جەر جاھاندا كوروناۆيرۋس دەرتىنىڭ دەندەۋىنە بايلانىستى ايتۋلى جارىستى وتكىزۋ مەرزىمىن وزگەرتۋگە تۋرا كەلدى.

سوڭعى جاڭالىقتار

ارالدا توتەنشە جاعداي جاريالانادى

ەكولوگيا • 18 ماۋسىم، 2021

ۇقساس جاڭالىقتار