قازاقستان • 30 ناۋرىز، 2020

S&P Global اگەنتتىگى «قازمۇنايگاز» بەن «تەڭىزشەۆرويل» رەيتينگىن تومەندەتتى

13 رەتكورسەتىلدى

اگەنتتىك Brent ماركالى مۇناي باعاسىنا قاتىستى بولجامدار قايتا قارالعانىن جانە قازىرگى ۋاقىتتا ونىڭ باررەلى ءۇشىن 30 دوللار، 2021 جىلى 50 دوللار جانە ودان كەيىن 55 دوللار بولاتىندىعىن ەسكە سالدى. اگەنتتىك ساراپشىلارىنىڭ پايىمداۋىنشا، كوپتەگەن مۇناي-گاز كومپانيالارىنىڭ نەسيەلىك كورسەتكىشتەرى اعىمداعى باعالاۋلارعا  قاراعاندا تومەن بولادى. ء«بىز قمگ جانە تشو رەيتينگىسىن «تۇراقتىلىقتان» «تەرىسكە» دەيىن وزگەرتىپ، نەسيەلىك رەيتينگتەردى بەكىتتىك» دەلىنگەن اگەنتتىك تاراتقان ءباسپاسوز مالىمدەمەسىندە.

اگەنتتىك سوزىنە سەنسەك، قازاقستانداعى سالىق جۇيەسى مۇناي-گاز كومپانيالارىنىڭ حالىقارالىق رەيتينگتەرىنىڭ تومەندەپ كەتۋىن تەجەپ، تەڭگەنىڭ كەنەتتەن قۇنسىزدانۋىنىڭ الدىن الىپ وتىر ەكەن.

«سوندىقتان، ءبىز قازاقستاندىق مۇناي-گاز كومپانيالارىنىڭ الداعى ۋاقىتتا «تۇراقتى» رەيتينگىسىنە قايتا كوتەرىلەتىنىنە سەنەمىز» دەيدى اگەنتتىك وكىلدەرى.

سونداي-اق وسى اگەنتتىكتىڭ ساراپشىلارى مۇناي-گاز كومپانيالارىنىڭ برەند ماركىلى مۇناي باررەلى 30 اقش دوللارىنان تومەندەپ كەتسە، قارىزدىق جۇكتەمەنىڭ كوتەرىلىپ كەتەدى دەگەن بولجامىن وزگەرتتى.

سەبەبى 2020 جىلى مۇناي بارلاۋ جانە ءوندىرۋ سەگمەنتى تەك شىعىنمەن جۇمىس ىستەيدى. مۇنىڭ سەبەبى  مۇناي بارلاۋدىڭ قۇنى تىم قىمباتقا تۇسەدى.

«بيىل مۇنايدىڭ ارزانداۋى مەن تەڭگەنىڭ قۇنسىزدانۋىنان EBITDA-نى قىسقارتۋعا تۋرا كەلەدى. وسىنىڭ اسەرىنەن قارىزدىق جۇكتەمەلەر وسەدى. سەبەبى قارىزدىڭ 93 پايىزى شەتەلدىك ۆاليۋتامەن بەرىلگەن. تەڭگەنىڭ قۇنسىزدانۋى سىرتقى قارىزدى تەڭگەمەن العان كومپانيالار ءۇشىن ءتيىمدى بولىپ تۇر.

2021 جىلى قارجىلىق كورسەتكىشتەردىڭ قالپىنا كەلۋىنە مۇناي باعاسىنىڭ  جانە  كاسىپورىنداردان ديۆيدەندتەردىڭ ءوسۋى اسەر ەتەدى. ال EBITDA 1،10-1،15 ترلن تەڭگەگە دەيىن ارتادى»، - دەيدى ساراپشىلار.

سونىمەن بىرگە اگەنتتىك قازاقستان ۇكىمەتىنەن قمگ قاشاعان جوباسىنداعى 8،44% قاتىسۋ ۇلەسىن ازايتسا دا  ساتۋ وپتسيونىن پايدالانادى دەپ كۇتپەيدى.

قمگ رەيتينگىنىڭ تەرىس بولجامى، 2021 جىلى شامامەن 20%-عا دەيىن كوتەرىلمەسە، تومەندەۋ جالعاسا بەرەدى. بۇل فاكتورعا مۇناي باعاسىنىڭ تومەندەۋى عانا ەمەس، كومپانيالاردىڭ تابىسى مەن شىعىسىنا باقىلاۋ جاساي المايتىنى دا اسەر ەتەتىن كورىنەدى.

الايدا، اگەنتتىك كومپانيالاردىڭ  قابىلەتتىلىك سيپاتتامالارى 2021 جىلى تۇراقتانعان جاعدايدا،  بولجامىن قايتا قاراۋى مۇمكىن ەكەنىن ەسكەرتەدى.

سوڭعى جاڭالىقتار

ۇقساس جاڭالىقتار