مەديتسينا • 30 ناۋرىز، 2020

دارىگەردىڭ دۇرىس دياگنوزى – اۋرۋدى اسقىندىرماۋدىڭ جولى

95 رەتكورسەتىلدى

كوروناۆيرۋس پەن تۇماۋدىڭ بەلگىلەرى ۇقساس. سوندىقتان رەسپيراتورلىق اۋرۋلاردى ءبىر-بىرىنەن ايىرىپ، جازباي تانۋى ءۇشىن دارىگەر بىلىكتى بولۋى قاجەت. ال الەمدە ورشىگەن ىندەت جايىندا ماماندارىمىز قانشالىقتى حاباردار؟ وسىنى انىقتاۋ ءۇشىن ەلىمىزدەگى ۇلتتىق تاۋەلسىز ەمتيحان ورتالىعى جوعارى ءبىلىمدى مەديتسينالىق قىزمەتكەرلەرگە ارنالعان تەگىن تەست جۇيەسىن ۇسىنىپ وتىر.

ورتالىقتىڭ توراعاسى گۇلميرا جانگەرەۆانىڭ ايتۋىنشا، ماماندارعا ونلاين رەجيمدە ۇسىنىلاتىن تەست جۇيەسى دارىگەرلەردىڭ كوروناۆيرۋس تۋرالى، ونىڭ العاشقى بەلگىلەرى جونىندە قانشالىقتى حاباردار ەكەنىن انىقتاۋعا كومەكتەسەدى. «ىندەت جۇقتىرعاندارمەن بەتپە-بەت كەلەتىن الدىمەن – دارىگەرلەر. ۆيرۋس كەزىندە ولاردىڭ وزدەرى دە ساقتىق شارالارىن قاتاڭ ساقتاپ، اۋرۋدىڭ العاشقى بەلگىلەرى بايقالىسىمەن، مەديتسينالىق كومەككە جۇگىنۋى ءتيىس. سوندىقتان قحالاتتىلار سىرقات جانعا دۇرىس دياگنوز قويا الۋىمەن بىرگە، وزدەرى دە ۆيرۋس تۋرالى جەتكىلىكتى ءبىلۋى كەرەك. ونلاين تەستتىڭ ماقساتى دا سول – مامانداردىڭ ۆيرۋسپەن كۇرەسكە دايىندىق دەڭگەيىن تەكسەرىپ، كەمشىن تۇستارىن تولىقتىرۋ» دەيدى ورتالىق باسشىسى. سونداي-اق، بۇل تەستىلەۋ جۇيەسى دارىگەرلەردىڭ ءتيىستى ستاندارتتار مەن كلينيكالىق حاتتامالار جانە دۇنيەجۇزىلىك دەنساۋلىق ساقتاۋ ۇيىمى ۇسىنعان ادىستەمەلىك ۇسىنىمدار تۋرالى ءبىلىمىن جەتىلدىرۋدى كوزدەيدى. تەستىلەۋ قورىتىندىسى بويىنشا اناليتيكالىق ەسەپ جاسالىپ، بىلىكتىلىك سالاسىندا انىقتالعان كەمشىلىكتەر بولسا، تۇزەۋگە ۇسىنىمدار ازىرلەنبەك.

ءوزىن-ءوزى باعالاۋ تەستى ۇلتتىق تەستىلەۋ ورتالىعىنىڭ رەسمي سايتىندا "COVID-19 باعالاۋ" بولىمىندە جاريالاندى. ونلاين تەستىلەۋدەن ءوتۋ ءۇشىن ۇتو جۇيەسىنە تىركەلۋ قاجەت جانە وعان كىرۋ لوگين (ۇمىتكەردىڭ جسن-ءى) مەن پارول ارقىلى جۇرگىزىلەدى.

قىمبات توقتامۇرات

سوڭعى جاڭالىقتار

ۇقساس جاڭالىقتار