قازاقستان • 30 ناۋرىز، 2020

«قاۋىپتىلىگى اسا جوعارى» توپتاعى دارىگەرلەر 1 ملن تەڭگەدەن الادى

165 رەتكورسەتىلدى

بۇل تۋرالى اقپارات جانە قوعامدىق دامۋ ءمينيسترى داۋرەن اباەۆ حابارلادى.

«قاۋىپتىلىگى اسا جوعارى» — رەانيماتسيا بولىمشەلەرىن قوسا العاندا، ينفەكتسيالىق ستاتسيونارلاردىڭ دارىگەرلەرى، ورتا جانە كىشى مەديتسينا قىزمەتكەرلەرى. ۇستەمە اقى 20 ەڭ تومەنگى جالاقىنى قۇرايدى (جالاقىنىڭ ەڭ تومەنگi مولشەرi (جتم)، 850 مىڭ تەڭگە).

«بارلىعى – 3284 مامان. ولاردىڭ جالاقىسىنا ۇستەمە اقى ايىنا 850 مىڭ تەڭگەنى قۇرايدى. ياعني، ورتاشا ايلىعىن قوسقاندا ولار ايىنا شامامەن 1 ملن تەڭگەنىڭ ۇستىندە الادى»، دەدى داۋرەن اباەۆ.

ايتا كەتۋ كەرەك، بۇگىن پرەزيدەنت قاسىم-جومارت توقاەۆتىڭ تاپسىرماسىن ورىنداۋ اياسىندا مەملەكەتتىك كوميسسيا ەپيدەمياعا قارسى ءىس-شارالارعا تارتىلعان مەديتسينا قىزمەتكەرلەرىنىڭ ەڭبەكاقىسىنا اي سايىنعى بەكىتىلگەن ۇستەمە اقى بەلگىلەۋ تۋرالى شەشىمدى بەكىتتى.

سوڭعى جاڭالىقتار

ۇقساس جاڭالىقتار