قازاقستان • 30 ناۋرىز، 2020

iKOMEK تج كەزىندە وپەراتورلار سانىن اۋىسىمىنا ەكى ەسەگە دەيىن كوبەيتتى

7 رەتكورسەتىلدى

توتەنشە جاعداي جاريالانۋىنا بايلانىستى iKOMEK109 قىزمەتى تۇرعىندارمەن قالا تىرشىلىگىن قامتاماسىز ەتۋدەگى بارلىق سۇراقتار بويىنشا ءوزارا قارىم-قاتىناس ورناتۋدىڭ، سونداي-اق كوروناۆيرۋس ينفەكتسياسى (كۆي) مەن كارانتين ماسەلەلەرى بويىنشا بىرىڭعاي جەدەل جەلى رەتىندە جاريالاندى، دەپ حابارلايدى ەلوردا اكىمدىگىنىڭ رەسمي سايتى.

- تج كەزىندە ءبىز وپەراتورلار سانىن كوبەيتتىك. وسىلايشا، اۋىسىمىنا ادەتتەگىدەي 30 ەمەس، 53 ادام جۇمىس ىستەيدى. ءبىز، سونداي-اق، بايلانىس ارناسىن كەڭەيتتىك. ەندى كۇتۋ رەجيمىنە 120 تۇرعىنعا دەيىن الا الامىز،- دەدى iKOMEK قالالىق ورتالىعىنىڭ جەتەكشىسى جاننات دۋبيروۆا.

كۇن سايىن iKOMEK ورتالىعىنا 7 مىڭنان 29 مىڭعا دەيىن ءوتىنىش كەلىپ تۇسەدى.

- تج جاريالانعاندىقتان جانە بىرىڭعاي بايلانىس ورتالىعىنىڭ جۇمىسىنا ۇلكەن سالماق تۇسكەندىكتەن بارلىق تۇرعىنداردى ارنايى ازاماتتارعا ىڭعايلى بولۋ ءۇشىن ازىرلەنگەن تسيفرلىق سەرۆيستەردى پايدالانۋعا شاقىرامىز. ونىڭ قاتارىندا، iKOMEK ءموبيلدى قوسىمشاسى، اكىمدىك سايتىندا ءوتىنىش بەرۋگە ارنالعان ۇلكەن قىزعىلت سارى باتىرما، iKOMEK تەلەگرامم-بوتى جانە Smart Astana ءموبيلدى قوسىمشاسى بار. ءبىرىنشى قوڭىراۋ شالعاندا وپەراتور جاۋاپ بەرە المايتىن سۇراقتار تىركەلىپ، كۆي تارالۋىن الدىن الۋ جونىندەگى جەدەل شتابقا جولدانادى، - دەپ ءتۇسىندىردى ج. دۋبيروۆا.

سوڭعى جاڭالىقتار

ۇقساس جاڭالىقتار