ايماقتار • 30 ناۋرىز، 2020

شىمكەنتتە توتەنشە جاعداي رەجيمىن بۇزعان 287 كاسىپكەرگە ايىپپۇل سالىندى

100 رەتكورسەتىلدى

شىمكەنت قالاسىندا توتەنشە جاعداي رەجيمىن بۇزعانى جانە سانيتارلىق تالاپتاردى ورىنداماعانى ءۇشىن ساۋدا جانە قىزمەت كورسەتۋ نىساندارىنا 287 اكىمشىلىك حاتتاما تولتىرىلىپ، ايىپپۇل سالىندى. 

اتاپ ايتقاندا، سوڭعى 5 كۇننىڭ وزىندە اباي اۋدانىندا – 144، ەڭبەكشى اۋدانىندا – 58، قاراتاۋ اۋدانىندا – 50 جانە ءال-فارابي اۋدانىندا 35 كاسىپكەرلىك نىسانى جاۋاپقا تارتىلدى. ونىڭ ىشىندە ساۋدا ورتالىقتارى، ازىق-ت ۇلىك دۇكەندەرى، ءدامحانالار، اسەمدىك سالوندارى، لومباردتار مەن اۆتوكولىككە تەحنيكالىق قىزمەت كورسەتۋ ورتالىقتارى بار. 

ايتا كەتەيىك، توتەنشە جاعداي كەزىندە ساۋدا جانە قىزمەت كورسەتۋ نىساندارىنىڭ جۇمىس ۋاقىتى شەكتەلگەن. بۇل ورىنداردىڭ كىرە بەرىسىندە قولدى انتيسەپتيكالىق وڭدەيتىن قۇرالدار قويىلىپ، كەلۋشىلەردىڭ دەنە قىزۋى كونتاكتىسىز پيرومەترمەن ولشەنۋى ءتيىس. سونداي-اق، قىزمەت كورسەتۋشى پەرسونال مەن كەلۋشىلەر مەديتسينالىق بەتپەردە تاعىپ جۇرۋگە مىندەتتى. وسى تالاپتاردى ورىنداماعان كاسىپكەرلەر الداعى ۋاقىتتا دا جاۋاپقا تارتىلادى. 

 

 
سوڭعى جاڭالىقتار

ۇقساس جاڭالىقتار