كوروناۆيرۋس • 30 ناۋرىز، 2020

الەمدەگى احۋالعا شولۋ: يزرايل پرەمەر-ءمينيسترىنىڭ كومەكشىسى ۆيرۋس جۇقتىردى

281 رەتكورسەتىلدى

بۇل توپتامادا الەمنىڭ 177 ەلىندە تاراعان Covid-19 ۆيرۋسىنا قاتىستى سوڭعى جاڭالىقتاردى جاريالاپ وتىرامىز.

30 ناۋرىزدا Johns Hopkins University (JHU) ۇسىنعان مالىمەت بويىنشا ۆيرۋس جۇقتىرعاندار سانى - 732،153، ءولىم سانى - 34،686، ايىققاندار سانى - 154،673 ادام بولدى (جاڭارتىلعان ۋاقىتى 17:23).

18:23

يزرايل پرەمەر-ءمينيسترىنىڭ كومەكشىسى ۆيرۋس جۇقتىردى

يزرايل پرەمەر-ءمينيسترى بينيامين نەتانياحۋ كومەكشىسىنىڭ كوروناۆيرۋس جۇقتىرعانى انىقتالعان سوڭ وقشاۋلاندى. 

70 جاستاعى كوشباسشىنىڭ 15 ناۋرىز كۇنى تاپسىرعان تەست ساراپتاماسى تەرىس ناتيجە بەرگەن. دەگەنمەن ونىڭ ۆيرۋس جۇقتىرماعانىنا سەنىمدى بولۋ ءۇشىن قايتا تەست سىناماسى الىنىپ، كارانتيندە بولادى.

پرەمەر-ءمينيستردىڭ ۆيرۋس جۇقتىرعان شەنەۋنىكپەن سوڭعى ۋاقىتتا بايلانىستا بولماعانى بەلگىلى. ءيزرايلدىڭ وزگە دە بيلىك وكىلدەرى Covid-19 ۆيرۋسىنا تەكسەرىلەدى.

قازىر ەلدە بارلىعى 4347 جاعداي تىركەلگەن. ىندەتتەن 16 تۇرعىن قازا بولعان، 134-ءى ايىققان.


17:10

توكيو 2021: وليمپيادانىڭ وتەتىن كۇنى بەلگىلى بولدى

توكيو وليمپياداسى كەلەسى جىلى 23 شىلدە مەن 8 تامىز ارالىعىندا وتەتىن بولدى. 

2020 جىلعى وليمپيادا ويىندارى جاپون استاناسىندا 24 شىلدەدەن 9 تامىزعا دەيىن ءوتۋى ءتيىس ەدى. الايدا كوروناۆيرۋس پاندەمياسىنا بايلانىستى ويىن تاريحتا العاش رەت كەيىنگە قالدىرىلدى.

جارىستىڭ ءوتۋ كۇندەرىن بۇگىن حالىقارالىق وليمپيادا كوميتەتى مەن جەرگىلىكتى ۇيىمداستىرۋشىلار بەلگىلەدى.

1916، 1940 and 1944 جىلعى جازعى ويىندار بولماعانىمەن، وسىعان دەيىن 41 رەت وتكەن وليمپيادا ەشقاشان كەيىنگە قالدىرىلماعان.

توكيوداعى وليمپيادا تاريحتاعى ەڭ ءىرى ويىن بولۋعا ءتيىس ەدى. ەگەر باعدارلاما كەلەسى جىلى دا وزگەرمەسە، 33 سپورت ءتۇرى بويىنشا 339 جارىسقا 10 000-نان استام سپورتشى قاتىسادى.

x


16:45

f


15:55

دجەك ما قازاقستانعا گۋمانيتارلىق كومەك كورسەتەدى

قىتايلىق Alibaba كومپانياسىنىڭ باسشىسى دجەك مانىڭ قايىرىمدىلىق قورى بىرقاتار مەملەكەتكە كوروناۆيرۋسپەن كۇرەستە كومەك كورسەتىپ كەلەدى. جاقىندا قور وكىلدەرى مۇنداي كومەك قازاقستانعا دا كورسەتىلەتىنىن مالىمدەدى.

ءازىربايجان، بۋتان، ءۇندىستان، قازاقستان، قىرعىزستان، وزبەكستان جانە ۆەتنام ەلدەرى جالپى العاندا 1،7 ميلليون ماسكا، 165 000 تەست، جەلدەتكىشتەر مەن تەرمومەترلەر، مەديتسينا قىزمەتكەرلەرىنە ارنالعان قورعانىس كيىمى مەن مەديتسينالىق جابدىقتاردى ءوزارا ءبولىسىپ الادى. 

بەلگىلى كاسىپكەر وسىعان دەيىن افريكا، لاتىن امەريكا، ەۋروپا ەلدەرىنە جانە كورشىلەس ازيا مەملەكەتتەرىنە وسىنداي كومەك كورسەتكەن. 

سونداي-اق ول قىتاي دارىگەرلەرىنىڭ Covid-19 ۆيرۋسىمەن كۇرەس تاجىريبەسىن سيپاتتاعان 61 بەتتىك كىتاپشانىڭ شىعۋىنا اتسالىستى. الەمنىڭ جەتى تىلىنە اۋدارىلعان بۇل ەڭبەكتە مەديتسينا ماماندارىنا ارنالعان قۇندى دەرەكتەر مەن كەڭەستەر بار. ورىس تىلىندەگى ۇلگىسىن تومەندەگى سىلتەمەدەن تابۋعا بولادى بولادى.

COVID-19 كوروناۆيرۋستىق ينفەكتسياسىنىڭ الدىن الۋ جانە ەمدەۋ بويىنشا نۇسقاۋلىق


12:00

ەۋروپانىڭ 7 ەلى ۆيرۋس كوپ تارالعان وندىققا ەندى 

اقش: 143،025

يتاليا: 97،689

قىتاي: 82،152

يسپانيا: 80،110

گەرمانيا: 62،435

فرانتسيا: 40،723

يران: 38،309

ۇلىبريتانيا: 19،784

شۆەيتساريا: 14،829

نيدەرلاند: 10،930


10:42

كارانتين بۇزعاندارعا قاتاڭ شارا قولدانعان ەلدەر

الەمدە بىرقاتار مەملەكەت كارانتين ەرەجەلەرىن بۇزعاندارعا قاتىستى قاتاڭ شارا قابىلداپ جاتىر.

گونكونگ

گونكونگتا 31 جاستاعى ەر ادام ءۇي كارانتينىن بۇزعانى ءۇشىن تۇرمەگە قامالعان.   

ءوزىنىڭ تۇرعىلىقتى مەكەن جايى تۋرالى جالعان اقپارات بەرگەن وعان سوت ءۇش ايعا تۇرمەگە قاماۋ تۋرالى شەشىم شىعارعان.

ازامات ءوز كىناسىن مويىنداپ، كارانتينگە جاتقىسى كەلمەگەنىن ايتقان.

ەلدە كارانتين ەرەجەلەرىن ساقتاماعاندارعا 25،000 گونكونگ دوللارى كولەمىندە ايىپپۇل سالىنادى نەمەسە 6 ايعا دەيىن تۇرمەگە قامالادى.

اۋستراليا

يوردانيادان سيدنەيگە ورالعان اۋستراليا ازاماتى 14 كۇندىك كارانتيندى بۇزعانى ءۇشىن قاماۋعا الىنعان. ول شەتەلدەن كەلگەن بارلىق ادامعا ارنالعان ءۇي كارانتينىن 24 ساعات ىشىندە ءۇش رەت بۇزعان.

ءوڭىردىڭ پوليتسيا باسشىسى سوتتان وعان ەڭ اۋىر جازامەن قاتار، يتاليا مەن يسپانيا اسكەرىنىڭ قازا بولعان ادامداردىڭ بەيىتىن تاسىعان سۋرەتتەرىن كورۋگە ماجبۇرلەۋدى سۇراپ وتىر ەكەن.

اۋستراليادا ەرەجە بۇزعاندارعا جازا $1000 ايىپپۇلدان باستالادى. ال ەڭ اۋىر جازا $11000 ايىپپۇل مەن 6 ايعا تۇرمەگە قاماۋعا دەيىن بارادى.

س

سۋرەت: اار


09:59

الەمدەگى جاعداي قىسقاشا:

• توكيودا ءبىر كۇندە 68 جاعداي تىركەلدى. بۇل - جاپون استاناسى ءۇشىن وسىعان دەيىن تىركەلمەگەن ەڭ ۇلكەن كورسەتكىش. 

• ارگەنتينا ەل بويىنشا جاريالانعان كارانتيندى ءساۋىردىڭ ورتاسىنا دەيىن ۇزارتتى.

• نيۋ-يورك شتاتىندا ءولىم سانى 1000-نان استى.

• اقش ۆيرۋس ەڭ كوپ تاراعان ەل بولىپ وتىر، جالپى ناۋقاستار سانى 142،356

• يتاليادا كوروناۆيۋس جۇقتىرعاندار سانى قىتايدان اسىپ كەتتى. قازىر ەلدە 97،689 جاعداي تىركەلگەن. يتاليا اقش-تان كەيىنگى ۆيرۋس كوپ تاراعان ەكىنشى ەل. 

• ۇلىبريتانيا پرەمەر-ءمينيسترى بوريس دجونسون كوروناۆيرۋس جۇقتىردى

سوڭعى جاڭالىقتار

ۇقساس جاڭالىقتار