ال ينتەرنەت جەلىسى 344 اۋىلدىق اۋماققا تارتىلعان. بىراق, 14 اۋىلدا تۇرعىندار سانى از, ءتيىستى تەحنولوگيا بويىنشا ارنايى جەلىلەر تارتىلماعان.
مەملەكەت باسشىسى قاسىم-جومارت توقاەۆ ۇيالى بايلانىس پەن ينتەرنەتكە, الەۋمەتتىك جەلىلەر مەن مەسسەندجەرلەرگە قولجەتىمدىلىكتى ارتتىرۋدى تاپسىردى. توتەنشە جاعداي كەزىندە تۇرعىنداردىڭ قارىزىنا قاراماستان, بايلانىس قىزمەتىن ۇزبەۋ كەرەكتىگىن ايتتى.
سوندىقتان, وبلىس اكىمدىگى «قازاقتەلەكوم» اق, «ترانستەلەكوم» اق-قا حاتتار جولداپ, ەندى عانا وسى اۋىلدارعا ينتەرنەت جەلىسىن جەتكىزۋدىڭ مۇمكىندىگىن قاراستىرۋدا.
جالپى, «تسيفرلىق قازاقستان» مەملەكەتتىك باعدارلاماسىن جۇزەگە اسىرۋ اياسىندا وبلىستا اۋىلداردى كەڭ جولاقتى ينتەرنەت جەلىسىمەن قامتاماسىز ەتۋ جوباسى جۇرگىزىلگەن.
بىراق, بۇل جۇمىستىڭ ناتيجەسى بويىنشا پاۆلودار, ەكىباستۇز, اقسۋ قالالارى مەن قالالارعا, اۋدان ورتالىقتارىنا جاقىن ورنالاسقان اۋىلدار عانا جوعارى جىلدامدىقتى جەلىنى قولدانا الادى.
بيىل «قازاقتەلەكوم» اق 10, ال «ترانستەلەكوم» اق تاعى 2 اۋىلدى جوعارى جىلدامدىقتى ينتەرنەت جەلىسىنە قوسۋدى جوسپارلاۋدا.
قالعان اۋىلداردا سپۋتنيكتىك تەحنولوگيالاردى قولدانۋ مۇمكىندىگى قاراستىرىلماق.
ال «قازاقتەلەكوم» اق شىعىس وڭىرلىك بولىمشەسى دە توتەنشە جاعداي كەزىندە وڭىردەگى ابونەنتتەردى قولداپ, قىزمەت كورسەتۋ اقىسى بويىنشا قارىزى بار تۇرعىنداردى بايلانىستان اجىراتپاۋ جونىندە شەشىم قابىلدادى.
پاۆلودار
