سورتوبە اۋىلىندا وتكەن كەزدەسۋگە وبلىس پروكۋرورى نۇرعالىم ءابدىروۆ, ۇقكد باستىعى مارات يرمەنوۆ, پوليتسيا دەپارتامەنتىنىڭ باسشىسى جانات سۇلەيمەنوۆ قاتىستى.
بەردىبەك ساپارباەۆ ۇستالعانداردىڭ تۋىستارىنىڭ وتىنىشتەرىنە قۇلاق ءتۇرىپ, ولاردى قۇقىق قورعاۋ ورگاندارى مىندەتتى تۇردە نازارعا الاتىنىن جەتكىزدى. ايماق باسشىسى بارلىعى زاڭ اياسىندا شەشىلۋى ءتيىس ەكەندىگىن اتاپ ءوتتى.
«ورىن العان قايعىلى وقيعادان 11 ادام اجال قۇشىپ, ەكى جۇزگە جۋىق ادام جاراقات الدى. ازاماتتارىمىزدىڭ م ۇلىكتەرى زاقىمدالدى. ەكى اي بويى قۇقىق قورعاۋ ورگاندارى تەرگەۋ امالدارىن جۇرگىزدى. ارنايى وپەراتسيا بارىسىندا كۇدىكتىلەر ۇستالدى. ەگەر بىرەۋ زاڭدى بۇزسا جانە ونىڭ كىناسى دالەلدەنسە, ول ءتيىستى جازاسىن الۋى ءتيىس. بارلىعى زاڭ اياسىندا بولۋى كەرەك. بۇل ماسەلە بويىنشا تۇپكىلىكتى شەشىمدى سوت قابىلدايتىن بولادى», - دەپ اتاپ ءوتتى ب. ساپارباەۆ.
ايماق باسشىسى جينالعانداردى ءتارتىپ پەن زاڭدىلىقتى ساقتاۋعا شاقىرىپ, ءتۇرلى ارانداتۋلارعا جول بەرمەۋلەرىن سۇرادى.
