ايماقتار • 29 ناۋرىز، 2020

تۇركىستاندا تۋريستىك نىسانداردا ساياحات جاساۋ ۋاقىتشا توقتاتىلدى

12 رەتكورسەتىلدى

تۇركىستان وبلىسىنىڭ تۋريستىك نىساندارىنا ساياحات جاساۋ ۋاقىتشا توقتاتىلدى. بۇل ەڭ الدىمەن حالىقتىڭ ءومىرى مەن دەنساۋلىعىن قورعاۋ جانە ۆيرۋستىڭ تارالۋىنىڭ الدىن الۋ ءۇشىن جاسالىپ وتىرعان شارا. بۇل تۋرالى  تۇركىستان وبلىسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە ايتىلدى.

 

تۇركىستان وبلىسى - رەسپۋبليكا بويىنشا تاريحي-مادەني ورىنعا باي وڭىرلەردىڭ ءبىرى. مۇندا 1600-دەن اسا تاريحي جانە مادەني ەسكەرتكىشتەر بار.

وبلىس اۋماعى تاريحي نىساندارمەن قاتار، تىلسىم تابيعاتقا يە. قاراتاۋ جانە اقسۋ-جاباعىلى مەملەكەتتىك تابيعي قورىقتارى، سايرام-وگەم ۇلتتىق تابيعي پاركى، سىرداريا-تۇركىستان تابيعي اۋماقتىق پاركى ەكوتۋريزمنىڭ باستى نىسانى عانا ەمەس، ەرەكشە قورعاۋعا الىنعان.

كوروناۆيرۋس ينفەكتسياسىنىڭ كەڭ تارالماۋىنىڭ الدىن الۋ ماقساتىندا قوناقۇيلەر مەن مەيرامحانالار، حوستەلدەر، تاماقتانۋ ورىندارى، شيپاجايلار جانە باسقا دا حالىقتىڭ كوپ شوعىرلاناتىن، تۋريستىك سەرۆيس ۇسىنىلاتىن ورىنداردا قاتاڭ تۇردە سانيتارلىق نورماعا ساي زالالسىزداندىرۋ جۇمىستارى جۇرگىزىلۋدە. جالپى تۇركىستان وبلىسىندا ورنالاستىرۋ ورىندارىنىڭ سانى 219 نىساندى قۇرايدى. ونىڭ ىشىندە قوناق ۇيلەر – 168، ساناتوريلەر مەن پروفيلاكتوريلەر-51.

كازىرگى كەزدە سارىاعاش اۋدانىندا 47 شيپاجاي عانا جۇمىس ىستەپ تۇر. 34 نىسان توتەنشە جاعداي ورىن الگانعا دەين جولداما الگان ازاماتتارعا قىزمەت كورسەتۋدە. اتالعان نىسانداردىڭ بارلىعىندا ۆيرۋسقا قارسى پروفيلاكتيكالىق-سانيتارلىق شارالار جۇزەگە اسۋدا.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار