الەم • 29 ناۋرىز، 2020

اۆستراليادا كوروناۆيرۋس جۇقتىرۋ قارقىنى تومەندەگەن - دەنساۋلىق ساقتاۋ مينيسترلىگى

234 رەتكورسەتىلدى

اۆستراليانىڭ دەنساۋلىق ساقتاۋ ءمينيسترى گرەگ حانت ەلدە جۇقتىرعاندار سانىنىڭ ءوسۋ قارقىنىنىڭ تومەندەۋىنىڭ العاشقى بەلگىلەرى تىركەلگەنىن حابارلادى. بۇل تۋرالى ۆەدومستۆو باسشىسى جەكسەنبى كۇنى كانبەررادا وتكەن بريفينگتە مالىمدەگەن.

حانت وتكەن اپتانىڭ ىشىندە سىرقاتتانعاندار سانىنىڭ ءوسۋ قارقىنى كۇنىنە 25-30% - عا جۋىق بولسا،  وتكەن تاۋلىكتە 13-15% - عا دەيىن تومەندەگەنىن اتاپ ءوتتى.

«بۇل ءبىز كۇتكەننەن دە ەرتەرەك بەلگىلى بولعان وڭ ناتيجە، بىراق بىزدە ادامداردى وقشاۋلاۋ جانە الەۋمەتتىك قاشىقتىقتى ساقتاۋدى قامتاماسىز ەتۋ بويىنشا جۇمىستار كوپ»، - دەدى حانت.

سونداي-اق ول فەدەرالدى ۇكىمەتتىڭ سوڭعى ەكى اپتادا قابىلداعان قاتاڭ شەكتەۋ شارالارى ناتيجەسىندە ەلدىڭ ءىرى قالالارىنداعى قوزعالىس 80% - عا قىسقارعانىن، ال وقۋشىلاردىڭ شامامەن 75% - ى وقۋ ورىندارىنا بارۋدى توقتاتقانىن ايتتى.

پرەمەر-مينيستر سكوتت مورريسون  قازىرگى ۋاقىتتا اۆستراليادا 3 809 اۋرۋ جاعدايى تىركەلگەن دەپ مالىمدەدى. «ۆيرۋس جۇقتىرعانداردىڭ 2 562-ءسى  شەتەلدەن كەلگەن ادامدار»، - دەدى ۇكىمەت باسشىسى.

COVID-19 جۇقتىرۋدىڭ العاشقى وقيعاسى اۆستراليادا 25 قاڭتار كۇنى انىقتالدى. بۇگىنگى كۇنى ۆيرۋستى جۇقتىرعان 16 ناۋقاس قايتىس بولدى، ال 242 ادام ساۋىعىپ كەتتى. اۋرۋ جۇقتىرعانداردىڭ كوپشىلىگى  سيدنەي قالاسىندا تىركەلگەن، وندا دارىگەرلەر 1 617 ادامنىڭ دياگنوزىن راستادى.

اۆستراليادا قوعامدىق تاماقتاناتىن ورىندار مەن ويىن-ساۋىق جانە ساۋدا ورتالىقتارى، كينوتەاترلار، سۇلۋلىق سالوندارى مەن سپورت زالدارى، سونداي-اق مۇراجايلار مەن باسقا دا باراتىن مادەني ورتالىقتار جابىلدى. ازاماتتاردى ۇيدەن ءجيى شىقپاي، 1،5 مەتر قاشىقتىقتى ساقتاۋعا شاقىردى. ەل ازاماتتارىنا شەتەلدىك ساياحاتتارعا شىعۋعا تىيىم سالىنادى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار