الەم • 28 ناۋرىز، 2020

قازاقستاننىڭ 150-دەن استام ازاماتى يسپانيادان وتانىنا ورالدى

252 رەتكورسەتىلدى

28 ناۋرىزدا قازاقستاننىڭ 44 ازاماتى (كوپشىلىگى ستۋدەنتتەر مەن بىرنەشە بالا) «Belavia» اۋەكومپانياسىنىڭ رەيسىمەن بارسەلونا اۋەجايىنان مينسك ارقىلى نۇر-سۇلتان مەن الماتىعا ۇشىپ كەتتى. بۇل تۋرالى ءسىم ءباسپاسوز قىزمەتى حابارلادى.

بۇل مادريدتەگى قازاقستان ەلشىلىگى جانە بارسەلوناداعى كونسۋلدىق قىزمەتكەرلەرىنىڭ ءتيىمدى جۇمىسىنىڭ ارقاسىندا مۇمكىن بولدى. ولار يسپانياداعى ازاماتتارىمىزعا كۇندەلىكتى بارلىق كومەك كورسەتۋدى جالعاستىرۋدا.  

يسپانيادا پاندەميانىڭ جىلدام تارالۋى جاعدايىندا (72 مىڭنان اسا ادام جۇقتىرعان) جانە رەيستەردىڭ باسىم كوپشىلىگى توقتاعان كەزدە، قازاقستاننىڭ يسپانياداعى ەلشىلىگى مادريدتەگى بەلارۋس ەلشىلىگى جانە «Belavia» اۋەكومپانياسىنىڭ باسشىلىعىمەن بارسەلونادان ۇشۋعا بيلەتتى ساتىپ العان بارلىق قازاقستاندىق جولاۋشىلاردى وتىرعىزۋدى قامتاماسىز ەتۋ ءۇشىن 28 ناۋرىزدا ۇشاتىن اۋە كەمەسىن ۇلكەنىرەك تۇرىنە اۋىستىرۋ تۋرالى كەلىسىمگە جەتتى.

بىرنەشە كۇن بويى قازاقستاندىق ديپلوماتتار وتانداستارىن ەلىنە ۇشۋدىڭ ناقتى جولدارى تۋرالى «قولما قول» حاباردار ەتىپ، تەز ارادا بيلەتتەردى ساتىپ الۋعا، جاعدايدى بولجاۋ قيىن كەزدە ۇشۋدى كەشىكتىرمەۋ كەرەك ەكەندىگى تۋرالى اقپاراتتاندىرىپ، مۇمكىندىكتى پايدالانۋعا شاقىردى.

بۇگىنگى تاڭدا قازاقستاندىق ديپلوماتتاردىڭ كومەگىمەن 150-دەن استام قازاقستاندىق يسپانيادان ءتۇرلى رەيستەرمەن ۇشىپ كەتتى. يسپانياعا ەمدەلۋگە كەلگەن جانە كامەلەتكە تولماعان قازاقستان رەسپۋبليكاسىنىڭ ازاماتتارىنا ەرەكشە كوڭىل بولىنەدى.

سوڭعى جاڭالىقتار

ۇقساس جاڭالىقتار