رۋحانيات • 28 ناۋرىز، 2020

ساتيرالىق شىعارمالار بايقاۋى باستالدى

73 رەتكورسەتىلدى

پاۆلودار وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسى «مادەنيەت پورتالى» اقپارات اگەنتتىگىمەن بىرلەسىپ، رەسپۋبليكالىق دەڭگەيدە قادىر تايشىقوۆ اتىندا ساتيرالىق شىعارمالار بايقاۋىن جاريالادى دەپ حابارلايدى pavlodarnews.kz.

ەلىمىزدەگى توتەنشە جاعدايدى ەسكەرە كەلە، اتالمىش بايقاۋ «مادەنيەت پورتالىندا» ونلاين تۇردە وتكىزىلەتىن بولدى.  بيىل پاۆلودار وبلىسىنىڭ تۋماسى، كورنەكتى جازۋشى، قازاق ساتيراسىنىڭ نەگىزىن سالۋشىلاردىڭ ءبىرى، اۋدارماشى، جۋرناليست، سازگەر قادىر تايشىقوۆتىڭ تۋعانىنا 120 جىل تولىپ وتىر.

وسى ورايدا، رەسپۋبليكالىق ونلاين بايقاۋ جاريالاندى. وعان ساتيرا جانرىندا جازىلعان شاعىن اڭگىمەلەر، ءازىل-سىقاق ولەڭدەر، شاعىن سكەتچتەر، وچەركتەر قابىلدانادى.

بايقاۋدى پاۆلودار وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسى، «مادەنيەت پورتالى»، پاۆلودار وبلىستىق «شاڭىراق» حالىق شىعارماشىلىعى جانە مادەني-ساۋىق قىزمەتى ورتالىعى مەن «اقبەتتاۋ» جۋرنالى ۇيىمداستىرىپ وتىر. – بايقاۋدىڭ ماقساتى - ادەبي شىعارمالاردى كەڭىنەن ناسيحاتتاپ، ونى وقىرمان قاۋىمعا، جاس ۇرپاققا پاتريوتتىق، ازاماتتىق جانە كوركەمدىك-ەستەتيكالىق تاربيە بەرۋدىڭ ءتيىمدى قۇرالى رەتىندە ۇسىنۋ، دارىندى ساتيريك قالامگەرلەردى قولداۋ، ساتيرا جانرىن ناسيحاتتاۋ جانە وسى جانرداعى جازۋشىلار مەن اقىنداردى قالىڭ وقىرمانعا تانىستىرۋ. ەلىمىزدە توتەنشە جاعدايدىڭ جاريالانۋىنا بايلانىستى بايقاۋدى ونلاين وتكىزۋدى ۇيعاردىق. بۇل رەتتە، «مادەنيەت پورتالى» زور قولداۋ كورسەتۋدە، – دەپ اتاپ ءوتتى پاۆلودار وبلىستىق مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى ەرنۇر داۋەنوۆ. ونلاين بايقاۋعا مەملەكەتتىك جانە ورىس تىلدەرىندە ساتيرا جانرىندا بۇرىن جاريالانباعان شاعىن اڭگىمەلەر، ءازىل-سىقاق ولەڭدەر، شاعىن سكەتچتەر، وچەركتەر قابىلدانادى. قاتىسۋشىلاردىڭ شىعارمالارى «مادەنيەت پورتالىندا» جيناقتالىپ، جاريالانادى. جازبالار 2020 جىلدىڭ 30 مامىرىنا دەيىن قابىلدانادى.  بايقاۋ جەڭىمپازدارىنا قوماقتى قارجىلاي جۇلدەلەر تاعايىندالعان.  

بايقاۋ تۋرالى تولىق اقپاراتتى مىنا سىلتەمەگە ءوتىپ، الا الاسىزدار.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار