ايماقتار • 28 ناۋرىز، 2020

شىمكەنت: ازىق-ت ۇلىك قورى جەتكىلىكتى، نان باعاسى 75 تەڭگەدەن اسپايدى

33 رەتكورسەتىلدى

شىمكەنت قالاسى اكىمىنىڭ ورىنباسارى ماحسۇت يساحوۆ اقپاراتتىق-كوممۋنيكاتسيالىق ورتالىقتا وتكەن بريفينگتە وسىلاي دەپ مالىمدەدى. 

اقپاراتتىق جيىنعا شىمكەنت قالاسى كاسىپكەرلىك جانە يندۋستريالدى-يننوۆاتسيالىق دامۋ باسقارماسى باسشىسىنىڭ ورىنباسارى بەرەكە دۇيسەبەكوۆ، شىمكەنت قالاسى كاسىپكەرلەر پالاتاسى ديرەكتورى نۇرلان قابىشتاەۆ  قاتىسىپ، ازىق-ت ۇلىك باعاسىن تۇراقتاندىرۋ بويىنشا اتقارىلىپ جاتقان ناقتى جۇمىستار جايلى ايتىپ بەردى.

«تۇراقتاندىرۋ قورىندا 2 ملرد 200 ملن تەڭگە بار. تۇتىنۋعا ەڭ قاجەتتى دەگەن 11 تاۋار ءتۇرىنىڭ باعاسىن كوتەرمەۋ بويىنشا GraMad گيپەرماركەتىمەن كەلسىمشارتقا وتىردىق. ولار ءبىر جىل بويى تاۋارلاردى ءبىز قويعان شەكتى باعاسىنان اسىرمايدى. قازىر ازىق-ت ۇلىك باعاسىن تۇراقتى ۇستاپ تۇرۋدا وسىنداي جولداردى قاراستىرىپ جاتىرمىز»، دەدى ماقسات يساحوۆ.

بۇگىندە قالادا نان باعاسىنىڭ كوتەرىلمەۋىنە جول بەرمەۋ ماقساتىندا قالا اكىمدىگى تاراپىنان ارزانداتىلعان باعامەن ناۋبايحانالارعا ۇن تاراتىلادى. سوندىقتان نان باعاسى 75 تەڭگەدەن اسپايتىن بولىپ كەلىسىلىپ وتىر. قالا باسشىسىنىڭ ورىنباسارى تاۋاردىڭ 36 ءتۇرى بويىنشا قور جەتكىلىكتى ەكەنىن، سوندىقتان تۇرعىندارعا ازىق-ت ۇلىك تاۋسىلىپ قالادى دەپ، دۇربەلەڭ تۋعىزۋدىڭ قاجەتى جوق ەكەنىن جەتكىزدى. 

«بۇگىنگى كۇنى قيىن جاعدايلارعا بايلانىستى كاسىپورىندار جۇمىسكەرلەردى ۋاقىتشا دەمالىسقا شىعارىپ جاتىر. قالا اۋماعىنداعى 400 كاسىپورىنعا حابارلاسىپ، ساراپتا جۇمىستارىن جۇرگىزدىك. جۇمىسكەرلەر ەڭ تومەنگى جالاقىعا قول جەتكىزۋدە سارساڭعا سالماۋدا پالاتادا ونلاين فورمات جاقىن ارادا ىسكە قوسىلادى»، دەپ اتاپ ءوتتى شىمكەنت قالاسى كاسىپكەرلەر پالاتاسى ديرەكتورى نۇرلان قابىشتاەۆ. 

 

شىمكەنت 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار