تاراز قالاسىنىڭ 30 جاستاعى تۇرعىنى ۇيىندە بەتاشار وتكىزگەنى ءۇشىن قىلمىستىق جاۋاپكەرشىلىككە تارتىلدى. ول 5 تاۋلىككە قامالدى.
تاراز قالالىق پوليتسيا دەپارتامەنتىنىڭ قىزمەتكەرلەرى بەتاشار جۇرگىزگەن اساباعا تج كەزىندەگى ءتارتىپتى ءتۇسىندىرىپ, ەسكەرتۋ جاريالادى.
ايتا كەتۋ كەرەك, كەشە توتەنشە جاعدايدا توي تويلايتىندارعا توسقاۋىل قويىلۋى كەرەك ەكەندىگى تۋرالى جازعان بولاتىنبىز. مەملەكەت باسشىسى ءدۇيىم جۇرتتى دۇرلىكتىرگەن COVID-19 ۆيرۋسىنا بايلانىستى ەلىمىزدە توتەنشە جاعداي جاريالادى. كارانتين ەنگىزىپ, «ويىن-ساۋىق, سپورتتىق جانە باسقا دا بۇقارالىق ءىس-شارالاردى, سونداي-اق, وتباسىلىق, سالت-ءداستۇر ءىس-شارالارىن وتكىزۋگە تىيىم سالىنسىن» دەگەن قاۋلى شىعاردى. الايدا كەيبىر تويشىل قاۋىم وسى كەزەڭدەردە تويدى قالاي وتكىزەمىز دەپ «باس اۋىرتىپ» جۇرمەگەن سەكىلدى.
