قازاقستان • 28 ناۋرىز، 2020

جۇمىستى، كرەديتتى، بيزنەستى ۋايىمداماڭىزدار - داۋرەن اباەۆ

455 رەتكورسەتىلدى

كەشە ءبىر كۇننىڭ وزىندە تج تالاپتارىن بۇزعانى ءۇشىن 237 ادام جاۋاپقا تارتىلعان، ونىڭ 74-ءى قاماۋعا الىندى. بۇل تۋرالى اقپارات جانە قوعامدىق دامۋ ءمينيسترى داۋرەن اباەۆ حابارلادى. 

«وزگە ەلدەردەگى جاعدايعا قاراڭىزدار. يتاليادا ءبىر كۇندە 969 ادام قايتىس بولعان. ونىڭ بارلىعى ساقتىق شارالارىنا سالعىرت قاراعانىنىڭ سالدارى. بۇل جاعداي بارلىعىمىزعا ساباق جانە ەسكەرتۋ بولۋى كەرەك. كوروناۆيرۋس اسىرەسە جاسى ۇلكەن ادامدارعا قاۋىپتى. ولاردىڭ ىشىندە ءبارىمىزدىڭ اتامىز بەن اجەمىز، اكەمىز بەن انامىز بار. ءوزىمىز ءۇشىن قورىقپاساق تا، ەڭ بولماسا، سول ۇلكەندەرىمىزدى ويلايىق. كەيبىر ادامداردا اۋرۋ بەلگىسى بىردەن بىلىنبەۋى مۇمكىن. ونداي ادام ۇيدە وتىرماسا، ءوزى بىلمەي ادامدارعا جۇقتىرادى. وسىلاي ونداعان وتباسىنىڭ وبالىنا قالۋى مۇمكىن. وسىنداي جاعدايدان ساق بولايىق. قازىر ۆيرۋسقا قارسى ەڭ ءتيىمدى كۇرەس –كارانتين رەجيمىن ساقتاۋ»، دەدى مينيستر.

توتەنشە جاعداي تالاپتارىن بۇزعانى ءۇشىن ءبىر تاۋلىك ىشىندە 237 ادام جاۋاپقا تارتىلىپ، ونىڭ 74-ءى قاماۋعا الىنعان.

«قازىر شەتەلگە شىقپاي-اق اۋرۋ جۇقتىرعانداردىڭ سانى وسۋدە. بۇل دەگەنىمىز اۋرۋ كەز كەلگەن جەردە جۇعىۋى مۇمكىن. قوناقتا، تۋىستاردىڭ ۇيىندە، اۆتوبۋستا، كەزەكتە تۇرعاندا. الايدا، كوپ ادامداردىڭ بۇل ەسكەرتۋلەرگە سالعىرت قارايتىنىن كورىپ وتىرمىز. مىسالى، كەشە ءبىر كۇننىڭ وزىندە تج تالاپتارىن بۇزعانى ءۇشىن 237 ادام جاۋاپقا تارتىلعان، ونىڭ 74-ءى قاماۋعا الىندى. بۇل بەيقامدىق اۋرۋحانادا ناۋقاستارعا ورىن جەتپەۋىنە اكەلۋى مۇمكىن. بۇعان جول بەرۋگە بولمايدى. سوندىقتان ءوزىمىزدى، جاقىندارىمىزدى ساقتايىق»، دەدى د. اباەۆ.

ۇكىمەت الەۋمەتتىك ماڭىزى بار ازىق-ت ۇلىك ساتىپ الۋعا رەزەرۆتەن 14،7 ملرد تەڭگە ءبولدى. دارىگەرلەرگە، پوليتسيا قىزمەتكەرلەرىنە جانە كوروناۆيرۋسپەن كۇرەسىپ جاتقان ادامدارعا جەكە قورعانىس قۇرالدارىن ساتىپ الۋ ءۇشىن 21،4 ملرد تەڭگە ءبولىندى. سونداي-اق سالىق دەكلاراتسياسىن تاپسىرۋ مەرزىمى  ۇزارتىلدى.

«جۇمىستى، كرەديتتى، بيزنەستى ۋايىمداماڭىزدار. مەملەكەت ەشكىمدى تاستامايدى، كومەكتەسەدى. زەينەتكەرگە ءدارى اپارۋعا، مۇقتاج جاندارعا ازىق-ت ۇلىك جەتكىزۋگە كومەكتەسەمىز. بۇعان دەيىن بىرنەشە رەت ايتقانىمىزداي جۇمىستان بوساعان نەمەسە اقىسى تولەنبەيتىن دەمالىسقا شىققاندار تولەم الادى. بۇگىنگى تاڭدا ۇكىمەت الەۋمەتتىك ماڭىزى بار ازىق-ت ۇلىك ساتىپ الۋعا رەزەرۆتەن 14،7 ملرد تەڭگە ءبولدى. وعان قوسا دارىگەرلەرگە، پوليتسيا قىزمەتكەرلەرىنە جانە كوروناۆيرۋسپەن كۇرەسىپ جاتقان ادامدارعا جەكە قورعانىس قۇرالدارىن ساتىپ الۋ ءۇشىن 21،4 ملرد تەڭگە ءبولىندى. سونىمەن بىرگە، نۇر-سۇلتان، الماتى، شىمكەنت قالالارى مەن وبلىس اكىمدىكتەرىنە جەكە قورعانىس قۇرالدارىن، ءدارى جانە مەديتسينالىق قۇرالدار ساتىپ الۋعا 10،7 ملرد تەڭگە قاراستىرىلعان. قازىر سالىقتىق تەكسەرۋشىلەر جانە اكىمشىلىك قۇقىق بۇزۋشىلىقتار بويىنشا ىستەردى قاراۋ توقتاتىلدى. سالىق دەكلاراتسياسىن تاپسىرۋ مەرزىمى 30 ناۋرىزدان 30 ساۋىرگە دەيىن ۇزارتىلدى»، دەدى اقپارات جانە قوعامدىق دامۋ ءمينيسترى داۋرەن اباەۆ.

ءسوز سوڭىندا مينيستر مەملەكەت كوروناۆيرۋسپەن كۇرەسكە قاجەتتى بارلىق شارانى جاسايتىنىن اتاپ ءوتتى. بىراق ءبىرىنشى كەزەكتە ءار ادام ءوزىن-ءوزى، ءوز وتباسىن ساقتاۋى كەرەك.

سوڭعى جاڭالىقتار

ۇقساس جاڭالىقتار