ۇرلىق جايلى پوليتسياعا شىركەۋ باسشىسى حابار بەرىپتى. ءدىن قىزمەتشىسىنىڭ ايتۋىنشا, بەلگىسىز بىرەۋلەر شىركەۋدەگى يكونا دۇكەنىنىڭ عيماراتىنا كىرىپ, قايىرىمدىلىققا ارنالعان جاشىكتەردەن جينالعان اقشانى الىپ كەتكەن.
اۋداندىق پوليتسيا ءبولىمىنىڭ ينسپەكتورى ابزال قۇرمانوۆ پەن شقو پد كريمينالدىق پوليتسيا باسقارماسىنىڭ قىزمەتكەرلەرى كۇدىكتىلەردى قۇرىقتادى. ۇرلىق جاساعاندار 42 جانە 79 جاستاعى ەر ادامدار ەكەن. ەكەۋى دە بۇرىن سوتتى بولعان.
شىركەۋگە ۇرلىققا ءتۇسۋدى الدىن الا بىرگە جوسپارلاعان. بىرەۋى كەشكى ۋاقىتتا يكونا دۇكەنىنىڭ شاتىرىنىڭ استىنا جاسىرىنىپ الادى. شىركەۋ قىزمەتكەرلەرى كەتكەننەن كەيىن ول عيماراتتىڭ ىشىنە كىرىپ, قايىرىمدىلىق جاشىگىنىڭ قۇلپىن بۇزادى. قاراجاتتى العان سوڭ تەرەزە ارقىلى قاشىپ كەتكەن. ال ونىڭ سىبايلاسى بىرەۋ كەلىپ قالعان جاعدايدا ەسكەرتۋ ءۇشىن كوشەدە كۇزەتتە تۇرعان ەكەن.
ۇرىلارعا قاتىستى قىلمىستىق ءىس قوزعالىپ, سوتقا دەيىنگى تەرگەۋ امالدارى باستالدى.
