ايماقتار • 28 ناۋرىز، 2020

تج كەزىندە ءماسج قاتىسۋشىلارىنا الەۋمەتتىك تولەمدەر تاعايىنداۋ قالاي جۇزەگە اسىرىلادى؟

98 رەتكورسەتىلدى

بۇگىن نۇر-سۇلتان قالاسى اكىمدىگىندە وتكەن بريفينگتە «ماسق» اق قالالىق فيليالىنىڭ ديرەكتورى دينا باەگيزوۆا توتەنشە جاعداي ساقتالعان كەزدە مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا الەۋمەتتىك تولەمدەر تاعايىنداۋ ء(ماسج) قالاي جۇزەگە اسىرىلاتىنى تۋرالى تارقاتىپ ايتتى، دەپ حابارلايدى ەلوردا اكىمدىگىنىڭ رەسمي سايتى.

توتەنشە جاعداي كەزىندە ءماسج قاتىسۋشىلارىنا الەۋمەتتىك تولەمدەردى تاعايىنداۋدى جۇزەگە اسىرۋ ەرەجەسىنە سايكەس «ماسق» اق فيليالدارى توتەنشە جاعداي كەزىندە مىندەتتى الەۋمەتتىك ساقتاندىرۋ جۇيەسى قاتىسۋشىلارىنا الەۋمەتتىك تولەمدەردى تاعايىنداۋ تۋرالى نەمەسە  باس تارتۋ تۋرالى قۇجاتتاردى قابىلدايدى جانە شەشىم شىعارادى.

«الەۋمەتتىك ساقتاندىرۋ جۇيەسى قاتىسۋشىلارىنا الەۋمەتتىك تولەمدەردى تاعايىنداۋ شاعىن جانە ورتا بيزنەس سۋبەكتىلەرىنىڭ قاتارىنداعى الەۋمەتتىك تولەمدەردى تولەۋشىلەردىڭ الەۋمەتتىك تولەمدەرى شتاب بەكىتكەن اتالمىش ەرەجەنىڭ 3 قوسىمشاسىنداعى جۇمىسشىلار ءتىزىمى فورماسىنا سايكەس، جۇمىسشىلارعا ەڭبەكاقى تولەمى ساقتالمايتىن دەمالىس بەرۋ تۋرالى بۇيرىقتىڭ كوشىرمەسى نەگىزىندە جۇزەگە اسىرىلادى»،- دەدى دينا باەگيزوۆا.

ونىڭ ايتۋىنشا اتالمىش الەۋمەتتىك تولەمدەرگە تج ەنگىزىلگەن كەزدە جۇمىسى توقتاۋىنا بايلانىستى تابىسىنان ايىرىلعان جۇمىس بەرۋشىلەر، ەڭبەكاقىسى ساقتالماي دەمالىسقا جىبەرىلگەن جۇمىسشىلار، تج ساقتالعان كەزدە قىزمەتى شەكتەلۋىنە بايلانىستى تابىسىن جوعالتقان جك، جەكە تاجىريبەمەن اينالىساتىن تۇلعالار، بجت تولەۋشىلەر قۇقىلى.

تولەمدەردى الۋ ءۇشىن تج رەجيمى ەنگىزىلگەنگە دەيىن سوڭعى 12 ايدىڭ كەمى 3 ايىندا تىزىمدە كورسەتىلگەن  جۇمىسشىلارعا الەۋمەتتىك تولەمدەر تولەگەنى مىندەتتى تۇردە ەسەپكە الىنادى.

وعان قوسا، الەۋمەتتىك تولەمدەر ەرەجەگە سايكەس جۇمىسشىعا ەڭبەكاقىسى ساقتالمايتىن دەمالىسقا شىققان كۇننەن باستاپ، جەكە كاسىپكەرلىك قىزمەتى توقتاعان كۇننەن باستاپ تاعايىندالادى;

»الەۋمەتتىك تولەمدەردى تاعايىنداۋ نەمەسە باس تارتۋ بويىنشا اقپارات جۇمىس بەرۋشى ۇسىنعان تىزىمدە كورسەتىلگەن  جۇمىسشىلاردىڭ ءموبيلدى تەلەفونىنا sms-حابارلاما جىبەرۋ ارقىلى بەرىلەدى»،-دەدى باەگيزوۆا.

«ماسق» اق الەۋمەتتىك تولەمدەردى كەستەگە سايكەس تولەۋ ءۇشىن مەملەكەتتىك كورپوراتسيانى كۇندەلىكتى قارجىلاندىرۋدى جۇزەگە اسىرادى. الەۋمەتتىك تولەمدەر الۋشىنىڭ (جۇمىسشى، جك، جەكە تاجىريبەمەن اينالىساتىن تۇلعالار، بجت تولەۋشىلەر) بانكتەگى سچەتىنە جىبەرىلەدى.

سوڭعى جاڭالىقتار

ۇقساس جاڭالىقتار