ايماقتار • 28 ناۋرىز، 2020

قىزىلوردا: ناۋقاسپەن قارىم-قاتىناستا بولعاندار انىقتالدى

327 رەتكورسەتىلدى

قالا تۇرعىنىنان كوروناۆيرۋستىق ينفەكتسيانىڭ انىقتالۋىنا وراي ءتيىستى سالا وكىلدەرى بريفينگ بەردى.

وبلىستىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى ءاليا ابدىقايىموۆانىڭ ايتۋىنشا 1955 جىلى تۋعان قالا تۇرعىنى كوپ ۋاقىت بويى وڭتۇستىك كورەيادا جۇمىس بابىمەن بولعان. قىزىلوردا قالاسىنا وسى جىلدىڭ 1 ناۋرىزى كۇنى كەلگەن. سول ۋاقىتتا تالاپقا ساي 14 كۇن دارىگەرلىك تەكسەرۋدەن دە وتكەن. بىراق دەرت بەلگىسى كەشە عانا بەلگى بەرىپ وتىر.

– قازىر ناۋقاس جاقىن ارالاسقان ادامداردىڭ سانى انىقتالدى. ولاردىڭ بارلىعى تالاپقاي ساي باقىلاۋعا الىنىپ، تەكسەرۋدەن وتەدى. اۋرۋدىڭ ودان ءارى تاراپ كەتپەۋىنە بارىمىزدى سالامىز. تۇرعىنداردان دا دۇربەلەڭگە سالىنباي، سانيتارلىق تالاپتاردى ساقتاپ ءجۇرۋىن سۇرايمىز. دۇرىسى، تالاپقا كونىپ، ۇيدەن سىرتقا كوپ شىقپاعان دۇرىس. ۇلكەن ساۋدا ورىندارىندا دەزينفەكتسيالىق تازالىق جۇمىستارىنىڭ جۇرگىزىلۋىن باقىلاۋدى كۇشەيتە تۇسەمىز، – دەدى ءاليا ابدىقايىموۆا.

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار