ايماقتار • 28 ناۋرىز، 2020

اقمولا وبلىسىنىڭ سوتتارى ونلاين رەجيمگە كوشتى

14 رەتكورسەتىلدى

كوروناۆيرۋس پاندەمياسى كەزەڭىنە توتەنشە جاعدايدىڭ ەنگىزىلۋىنە بايلانىستى، اقمولا وبلىسىنىڭ سوتتارىندا كەيىنگە قالدىرۋدى كۇتپەيتىن سوت پروتسەستەرى ەلەكتروندىق تەحنولوگيالاردى قولدانۋ ارقىلى قاشىقتىقتان وتكىزىلەدى.

سوت پروتسەستەرىندە ادامداردىڭ بايلانىسىن الىپ تاستاۋ جانە ولاردىڭ ءومىرى مەن دەنساۋلىعىنا قاۋىپتى ازايتۋ ماقساتىمەن، سوتتار اكىمشىسى مىناداي تاپسىرما قويدى: بەينەكونفەرەنتسبايلانىس جۇيەلەرىن ساپالى قولدانا وتىرىپ، سوت ماجىلىستەرىن قاشىقتىقتان وتكىزۋدى جولعا قويۋ.
اقمولا وبلىسى بويىنشا سوتتار اكىمشىسىنىڭ اقپاراتتىق تەحنولوگيالار جانە اقپاراتتىق رەسۋرستاردى قورعاۋ ءبولىمى رەسەيلىك، موسكۆا قالاسىنىڭ كومپانياسى «TrueConf» جشق-مەن ىنتىماقتاستىق جاساستى. وسىنىڭ ناتيجەسىندە «TrueConf» جشق-ى 2020 جىلدىڭ 1 ماۋسىمىنا دەيىن ونلاين بايلانىس رەجيمىندە سوت پروتسەستەرىن وتكىزۋ ءۇشىن 1000 ەسەپتىك جازبالاردى بەرەتىن بولدى.

ەسەپتىك جازبا ازاماتتارعا سوتپەن بەينەكونفەرەنتسبايلانىس جۇيەسىنە قوسىلۋعا مۇمكىندىك بەرەدى. اعىمداعى جىلدىڭ 20 ناۋرىزىنان باستاپ وسى ەسەپتىك جازبالار وبلىس سوتتارى بويىنشا ءبولىپ تاراتىلدى جانە تەحنيكالىق ماسەلەلەر شەشىلدى سوتتاردىڭ بەينەكونفەرەنتسبايلانىس رەجيمىندە سوت پروتسەستەرىن وتكىزۋ بويىنشا جۇمىسى جەڭىلدەتىلگەن، ونلاين رەجيمىندە ىستەردى قاشىقتان قاراۋعا سوتتار تولىق كوشتى.

قازىرگى تاڭدا اقمولا وبلىسىنىڭ سوتتارى سوت ماجىلىستەرىن قاشىقتان وتكىزۋ ءۇشىن ارنايى ەسەپتىك جازبالارمەن 100 پايىز قامتاماسىز ەتىلگەن. TrueConfServer ءار ءتۇرلى رەجيمدەردە جانە 4ك UltraHD دەيىنگى اجىراتىمدىلىعىندا بەينە قوڭىراۋ شالۋلار مەن كونفەرەنتسيالاردى ۇزدىكسىز وتكىزۋدى قامتاماسىز ەتەدى. ءاربىر ازامات كەز-كەلگەن قولجەتىمدى قۇرىلعىنىڭ (دەربەس كومپيۋتەردىڭ، نوۋتبۋكتىڭ، پلانشەتتىڭ نەمەسە سمارتفوننىڭ) كومەگىمەن ونلاين سوت پروتسەستەرىنە قاتىسا الادى.

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار