ايماقتار • 28 ناۋرىز، 2020

شىعىس قازاقستان: كوراناۆيرۋس سەمەيدىڭ ەكى تۇرعىنىنان انىقتالدى

616 رەتكورسەتىلدى

سەمەي قالاسىندا كوروناۆيرۋس دەرتىنىڭ العاشقى 2 جاعدايى راستالدى.

 قىتايدان تاراعان ىندەت شىعىس قازاقستان وبلىسىندا دا انىقتالدى. ناقتىراق ايتقاندا، سەمەي قالاسىندا كوروناۆيرۋس دەرتىنىڭ العاشقى 2 جاعدايى راستالدى. «وتباسىلىق جۇپ 1959 جىلى دۇنيەگە كەلگەن. ولار 2020 جىلدىڭ 21 ناۋرىزىندا ەلىمىزگە "شارم-ەل-شەيح – نۇرسۇلتان" رەيسىمەن ورالعان. ەگيپەتتە دەمالىستا بولعان. سەمەي قالاسىنا ءوز كولىگىمەن جەتكەن. ولارمەن بىرگە وتباسى مۇشەلەرى، ياعني، تاعى 5 ادام بولعان. 2020 جىلعى 28 ناۋرىزدا جۇرگىزىلگەن COVID-19 تالداۋى ءتورت ادامدا تەرىس ناتيجە كورسەتتى. ءبىر تالداۋ قازىرگى ۋاقىتتا زەرتتەۋ بارىسىندا. سونىمەن قاتار، ولارمەن بايلانىستا بولعان تاعى ءبىر ادام انىقتالدى. ونىڭ دا ءاناليزى تەكسەرۋگە الىندى. قازىرگى تاڭدا تورتەۋى پروۆيزورلىق ستاتسيونارعا وقشاۋلانعان، قالعان تورتەۋى كارانتيندىك ستاتسيوناردا دارىگەرلەردىڭ باقىلاۋىندا. ايتا كەتەيىن، ناۋقاستاردىڭ جاعدايى تۇراقتى اۋىرلىعى ورتاشا دەڭگەيدە. العاشقى شاعىمدارى دەنە قىزۋى مەن سيرەك جوتەلگە بولعان. جەدەل مەديتسينالىق كومەك بريگاداسى شۇعىل ارەكەت ەتىپ، الگوريتمگە سايكەس ارنايى كاپسۋلالاردا ولاردى ستاتسيونارعا جەتكىزدى. قازىرگى ۋاقىتتا بۇل ادامدار تۇراتىن ورىندارعا دەزينفەكتسيا جۇمىستارى جۇرگىزىلۋدە» دەپ جازدى وبلىس اكىمى دانيال احمەتوۆ ءوزىنىڭ فەيسبۋكتەگى پاراقشاسىندا.

بىرەر ساعاتتان كەيىن وسكەمەندە ءتيىستى سالا ماماندارىنىڭ قاتىسۋىمەن بريفينگ وتەدى دەپ كۇتىلۋدە. قوسىمشا اقپاراتتاردى بريفينگتەن كەيىن حابارلايمىز.

 شىعىس قازاقستان وبلىسى

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار