ايماقتار • 28 ناۋرىز، 2020

جامبىل وبلىسى ءساۋىر سوڭىندا تاجىكستان مەن وزبەكستاننىڭ كوكونىس يمپورتىنا تاۋەلدى بولادى

70 رەتكورسەتىلدى

بۇگىندە جامبىل وبلىسىندا كۇندەلىكتى وندىرىلەتىن ەت، ءسۇت، نان ونىمدەرى ىشكى سۇرانىستى ارتىعىمەن قامتيدى. وبلىستىق اۋىل شارۋاشىلىعى باسقارماسىنىڭ باسشىسى بەرىك نىعماشەۆتىڭ ايتۋىنشا، ساقتاۋعا قويىلعان كوكونىس كولەمى ءساۋىر ايىنىڭ سوڭىنا دەيىن جەتكىلىكتى. ال الەۋمەتتىك نان ءوندىرىسى ءۇشىن ۇننىڭ ءۇش ايعا قاجەتتى قورى جيناقتالعان. جالپى كولەمى 6450 توننا ۇن بولسا، ونىڭ 3450 تونناسى ناۋبايحانالاردا، 3000 تونناسى تۇراقتاندىرۋ قورىندا.

جەرگىلىكتى ۇن، ماكارون، جۇمىرتقا، سارى ماي ءوندىرىسى ىشكى سۇرانىستى ءىشىنارا قامتىپ، سۇرانىس ارتقان جاعدايدا بۇل تاۋارلاردىڭ ءوندىرىسىن ەكى ەسەگە ارتتىرۋعا مۇمكىندىك بار ەكەن. سولتۇستىك قازاقستان، قىزىلوردا، اقمولا، قوستاناي، شىعىس قازاقستان، پاۆلودار وبلىستارىنان جەتكىزىلەتىن ونىمدەر ىشىنەن كۇرىش، تۇز، ۇن، بيداي، كۇنباعىس مايى، قاراقۇمىق تاۋارلارى وبلىسقا تۇراقتى جەتكىزىلۋدە. ال، بەرىك نىعماشەۆ سىرتقى نارىققا وبلىس ءساۋىردىڭ سوڭىنا قاراي تاجىكستان مەملەكەتىنەن پياز، وزبەكستان ەلىنەن قىرىققابات، كارتوپ كوكونىستەرىنىڭ يمپورتىنا تاۋەلدى بولاتىنىن ايتتى. اتالعان باسقارمانىڭ مالىمەتىنشە، وتاندىق كوكونىستىڭ 1،5 ايعا جەتكىلىكتى قورى قالعان. ەرتە پىسەتىن وتاندىق كوكونىس ءوندىرىسى ماۋسىم ايىنىڭ باسىندا باستالادى.

بۇگىندە وڭىردە سىيىمدىلىعى 313،2 مىڭ توننانى قۇرايتىن 218 جەمىس-كوكونىس ساقتاۋ قويماسى جۇمىس ىستەۋدە، ونىڭ ىشىندە سىيىمدىلىعى 217،8 توننانى قۇرايتىن 160 قويما مۇزداتقىشپەن قامتىلعان. جالپى، وبلىستاعى جەمىس-كوكونىس ونىمدەرىن ساقتاۋ قويمالارىندا 11 313،9 توننا ءونىم ساقتالۋدا.  ونىڭ ىشىندە 1058 توننا كارتوپ، 4543 توننا پياز، 5171 توننا ءسابىز، 52 توننا قىرىققابات جانە 490 توننا ماقسارى مايى جانە ءسۇت ونىمدەرى بار.

 

جامبىل وبلىسى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار