ايماقتار • 27 ناۋرىز، 2020

جامبىلدا جىل باسىنان بەرى 80 ەسىرتكى قىلمىسىنىڭ جولى كەسىلگەن

81 رەت كورسەتىلدى

جامبىل وبلىستىق پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باستىعى، پوليتسيا پودپولكوۆنيگى اسحات المەتوۆ ەسىرتكىگە قاتىستى 300-گە جۋىق دەرەكتىڭ اشىلعانىن مالىمدەدى. وڭىردە جىل باسىنان بەرى 80 ەسىرتكى قىلمىسىنىڭ جولى كەسىلگەن.

وبلىستىق پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرىمەن اعىمداعى جىلدىڭ ەكى ايىندا وبلىس بويىنشا 80 قىلمىستىق قۇقىقبۇزۋشىلىق انىقتالعان. ونىڭ ىشىندە 23 ەسىرتكى ساتۋ، 8 اسا ءىرى كولەمدى ەسىرتكى زاتىن ساقتاۋ دەرەگى، سونداي-اق، 3 ەسىرتكى جانە پسيحوتروپتىق زاتتاردى نەمەسە سوعان ۇقساس نارسەلەردى ناسيحاتتاۋ نەمەسە زاڭسىز جارنامالاۋمەن اينالىسۋ دەرەگى بار. سونىمەن قاتار، ارنايى بولىمشەنىڭ شەكارا قىزمەتىمەن بىرلەسكەن ءىس-شاراسى ناتيجەسىندە ەسىرتكى كونترابانداسىنىڭ 1 دەرەگى انىقتالعان. زاڭسىز اينالىمنان بارلىعى 123 كيلوگرامم 244 گرامم كولەمىندەگى ءارتۇرلى ەسىرتكى زاتتارى الىنعان. ونىڭ ىشىندە 1 كيلوگرامم 12 گرامم گەروين، 11 كيلوگرامم 546 گرامم گاشيش جانە 110 كيلوگرامم 678 گرامم ماريحۋانا بار.

پوليتسيا پودپولكوۆنيگى اسحات المەتوۆ زاڭسىز ەسىرتكى اينالىمىنا قارسى كۇرەستە وبلىس تۇرعىندارى مەن جاستار اراسىندا ناشاقورلىقتىڭ الدىن الۋعا، ەسىرتكى قىلمىستارىن انىقتاۋعا، ەسىرتكى قۇرالدارىنىڭ زاڭسىز اينالىمى سالاسىندا ۇيىمداستىرىلعان قىلمىستىق توپتاردىڭ ءىس-ارەكەتىنىڭ جولىن كەسۋگە، ەسىرتكى زاتتارىنان الىنعان قاراجاتتى زاڭداستىرۋ فاكتىلەرىن انىقتاۋعا جانە قۇجاتتاندىرۋعا باسا نازار اۋدارۋ قاجەتتىگىن جەتكىزدى. باسقارما باستىعى كۇندەلىكتى مونيتورينگ بارىسىندا ينتەرنەت-كەڭىستىكتە سينتەتيكالىق ەسىرتكى قۇرالدارىن تاراتۋمەن اينالىساتىن 12 ينتەرنەت-سايتتىڭ انىقتالىپ، بۇعاتتالعانىن ايتتى. سونىمەن قاتار، پوليتسيا قىزمەتكەرلەرىمەن جامبىل وبلىستىق جاستار ساياساتى ماسەلەلەرى باسقارماسى مەن «جاسىل ەل تاراز» مەكەمەسىنىڭ قىزمەتكەرلەرى ارقىلى ۇيلەر مەن عيماراتتاردىڭ قابىرعالارىنداعى 300-گە جۋىق گراففيتي-جازۋلار جويىلعان. سونداي-اق، تاراز قالاسىندا ۇيلەردىڭ قابىرعالارى مەن قورشاۋلارىندا سينتەتيكالىق ەسىرتكىنى ناسيحاتتايتىن گراففيتي-جازۋلاردى جازعان 3 ادام قولعا تۇسكەن. ءوز سوزىندە اسحات المەتوۆ الداعى ۋاقىتتاردا دا ەسىرتكى قىلمىستارىنىڭ جولىن كەسۋ، الدىن الۋ باعىتىنداعى جۇمىستاردىڭ جالعاسا بەرەتىنىن جەتكىزدى.

جامبىل وبلىسى

سوڭعى جاڭالىقتار

ZOOM اكتسيالارى قىمباتتادى

تەحنولوگيا • بۇگىن، 18:02

اپەننين تۇبەگىنە اتتاندى

سپورت • بۇگىن، 16:38

ۇقساس جاڭالىقتار