قازاقستان • 27 ناۋرىز، 2020

اقتوعاي تاۋ-كەن بايىتۋ كومبيناتى ءوندىرىس كولەمىن ارتتىرادى

24 رەتكورسەتىلدى

يدد ءباسپاسوز قىزمەتى اقتوعاي تاۋ-كەن بايىتۋ كەشەنىندە ءوندىرىس اياسىن كەڭەيتۋ جوباسىنىڭ ىسكە اسىرىلۋ ۇستىندە ەكەندىگىن حابارلادى. جوبا اقتوعاي مىس كەن ورنىنىڭ جۇمىس ىستەپ تۇرعان اشىق كەنىشىنەن شيكىزاتتى قايتا وڭدەۋ كولەمىن 2 ەسە ۇلعايتۋ ءۇشىن قوسىمشا بايىتۋ فابريكاسىن سالۋدى كوزدەيدى. 

اقتوعاي - الەمدەگى ەڭ ءىرى مىس كەن ورىندارىنىڭ ءبىرى. مۇندا شامامەن 5 ملن توننا مىس بار. مىس قازىرگى ينفراقۇرىلىمنىڭ بارلىق باعىتتارىندا، ەلەكتر قۋاتىن ءوندىرۋ مەن تاراتۋدا، كولىكتە، كوممۋنيكاتسيالاردا، ونەركاسىپتىك جابدىقتار مەن ەلەكتر قۇرالدارىن وندىرۋدە ماڭىزدى ءرول اتقارادى. سوندىقتان مىس ءوندىرىسىنىڭ كولەمىن ۇلعايتۋ - وزەكتى ماسەلە.

بولجام بويىنشا، جاڭا زاۋىتتاعى ءوندىرىس كولەمى 2022-2027 جىلدارى ارالىعىندا 80 مىڭ تونناعا جۋىق كونتسەنتراتتاعى مىس ءوندىرۋ مۇمكىندىگىن بەرەدى. كەنىشتىڭ ودان ءارى جۇمىس ىستەۋ كەزەڭىندە جىلىنا قوسىمشا 60 مىڭ توننا ءوندىرۋ قۋاتىنا يە بولادى، ول كەزدە مىستىڭ ورتاشا قۇرامى مينەرالدىق رەسۋرستاردا ۇستاۋ شەگىندە – 0،34% بولادى.

سونداي-اق اقتوعاي-II كەزەگى پايدالانۋعا بەرىلگەننەن كەيىن ءسۋلفيدتى كەننەن جىل سايىنعى مىس ءوندىرىسى 2022-2027 جىلدار ارالىعىندا 170 مىڭ تونناعا دەيىن جەتىپ، سونان كەيىنگى ۋاقىتتارى قوسىمشا 130 مىڭ توننا مىس وندىرۋگە دەيىن ارتۋى ءتيىس. 2027 جىلعا دەيىن تازا اقشالاي وزىندىك قۇننىڭ جوسپارلى كورسەتكىشى ءبىر فۋنت ءۇشىن 100-120 اقش تسەنتى مولشەرىندە ساقتالادى. وسىلايشا اتالمىش جوبا يندۋستريا باعىتىنداعى از شىعىندى جوبالاردىڭ ءبىرى سانالادى.

بۇگىنگى تاڭدا سۋلفيد فابريكاسىنىڭ عيماراتى بويىنشا قۇرىلىس-مونتاج جۇمىستارى جۇرگىزىلىپ جاتىر: ىرگەتاستى قالاۋ اياقتالدى، مەتالل قۇرىلىمدارى سالىندى، بارلىق ءۇش ديىرمەن بويىنشا تىرەك پليتالارى ورناتىلدى. قۇرىلىس جۇمىستارىنا 2،5 مىڭ ادام تارتىلدى. جوسپار بويىنشا جاڭا بايىتۋ فابريكاسىنداعى ءبىرىنشى كەن 2021 جىلى وڭدەلمەك. سونداي-اق، ءوندىرىستى ىسكە قوسىپ، جوبالىق قۋاتقا شىققاننان كەيىن كاسىپورىندا قوسىمشا جۇمىس ورىندارىنىڭ سانى 700-گە جۋىقتايدى.

اتالعان جوبانى جۇرگىزۋشى KAZ Minerals كومپانياسى - قازاقستانداعى مىس ءوندىرۋ مەن جاڭا تاۋ-كەن وندىرىستەرىن دامىتۋعا باعىتتالعان مىس وندىرەتىن ءىرى كومپانيالاردىڭ ءبىرى. ونىڭ قۇرامىنا: پاۆلودار وبلىسىنداعى بوزشاكول جانە شىعىس قازاقستان وبلىسىنداعى اقتوعاي اشىق تۇردەگى كەن ورىندارى، شىعىس قازاقستانداعى 3 جەراستى كەنىشى جانە قىرعىزستانداعى اشىق تۇردەگى بوزىمشاق التىن جەزدى كەنىشى كىرەدى.

2017 جىلدىڭ جەلتوقسانىندا KAZ Minerals توبىنىڭ ديرەكتورلار كەڭەسى 2021 جىلدان باستاپ ءسۋلفيدتى كەندى قايتا وڭدەۋ قۋاتىن ەكى ەسەگە، 50 ملن تونناعا دەيىن ارتتىرۋ ماقساتىندا قۇنى 1،2 ملرد اقش دوللارىن قۇرايتىن اقتوعاي كەنىن كەڭەيتۋ جوباسى تۋرالى جاريالادى. وسىلايشا، وڭدەۋ كولەمىنىڭ ارتۋىنا بايلانىستى سۋلفيد رۋداسىن وڭدەۋ مەرزىمى 28 جىلعا دەيىن قىسقارادى. جوبانى ىسكە اسىرۋ ءوڭىر ەكونوميكاسىنىڭ قارقىندى دامۋىنا قوسىمشا سەرپىن بەرىپ، ايماقتىق جانە رەسپۋبليكالىق بيۋدجەتتەرگە سالىق جانە باسقا دا تۇسىمدەردىڭ ۇلعايۋىنا سەپتىگىن تيگىزەدى. سونداي-اق، جوبا قوسىمشا جۇمىس ورىندارىن اشۋعا مۇمكىندىك بەرىپ، وسىعان وراي قازىر قولعا الىنىپ وتىرعان ۇلتتىق كادرلاردى وقىتۋ جانە ولاردىڭ بىلىكتىلىگىن ارتتىرۋ شارالارىن جالعاستىراتىن بولادى.

سوڭعى جاڭالىقتار

ۇقساس جاڭالىقتار