تەحنولوگيا • 27 ناۋرىز، 2020

كوكشەتاۋدا ءموبيلدى قوسىمشا ارقىلى قىزمەت كورسەتىلەدى

8 رەتكورسەتىلدى

ىندەتتىڭ تارالۋىنا جول بەرمەۋ ماقساتىندا حالىققا قىزمەت  كورسەتۋ ورتالىقتارىنىڭ  جۇمىسى ۋاقىتشا توقتاتىلدى. مەملەكەت باسشىسى   قاسىم-جومارت توقاەۆ   ەلدەگى توتەنشە جاعدايعا بايلانىستى وتكىزىلگەن كوميسسيا وتىرىسىندا وسىنداي تاپسىرما بەرگەن بولاتىن.  

بۇگىنگى تاڭدا قازاقستاندىقتارعا مەملەكەتتىك قىزمەتتەردىڭ 80 پروتسەنتى «ەلەكتروندىق ۇكىمەت» پورتالى ارقىلى قولجەتىمدى، سونداي-اق قاجەتتى انىقتامالاردى eGov Mobile موبيلدىك قوسىمشاسى جانە «Telegram»-داعى egovkzbot 2.0 بوتى ارقىلى الۋعا بولادى. ءبىر ۋاقىتتا بايلانىس ورتالىعىنىڭ ماماندارى مىڭنان استام ازاماتقا كەڭەس بەرە الادى دەپ جوسپارلانۋدا.

– اۆتوكولىك يەلەرى كولىكتى قايتا تىركەگەن نەمەسە جۇرگىزۋشى كۋالىگىن ونلاين تۇردە اۋىستىرعاندا دايىن قۇجاتتارى مەن نومىرلەردى ءوز قالالارىنداعى مامانداندىرىلعان حالىققا قىزمەت كورسەتۋ ورتالىقتارىنان الا الادى. دايىن قۇجاتتاردى بەرۋ تەرەزەسى جۇمىس ىستەيدى. بۇل تەك دايىن قۇجاتتاردى الۋعا عانا جاسالعان شارا. قالعان قىزمەت ءتۇرى ەلەكتروندى قىزمەت ارقىلى راسىمدەلەدى،–دەيدى «ازاماتتارعا ارنالعان ۇكiمەت» مەملەكەتتiك كورپوراتسياسى وبلىستىق فيليالى  ديرەكتورىنىڭ  ورىنباسارى نۇربەك قايىرجانوۆ.

تسيفرلاندىرۋ جۇيەسىنىڭ جەتىستىگى ەل كادەسىنە جاراپ-اق تۇر.

اقمولا وبلىسى

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار