ء«بىز وسى كارتانى ۇلتتىق اقپاراتتىق تەحنولوگيالار ورتالىعىمەن جانە تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسە وتىرىپ ىسكە قوستىق. جوبا الدىندا الەمنىڭ قىتاي, سينگاپۋر, كورەيا سەكىلدى 11 ەلدىڭ تاجىريبەسىن زەرتتەدىك. ول ەلدەر كوروناۆيرۋستىڭ تارالۋىن تولىعىمەن توقتاتىپ, جاعدايدى باقىلاۋدا ۇستاپ وتىر. ونىڭ ءبىرىنشى سەبەبى – اتالعان مەملەكەتتەر ازاماتتاردىڭ ۇيالى تەلەفوندارى ارقىلى قاي جەردە ورنالاسقانىن ەلەكتروندى تۇردە باقىلاۋ ارقىلى قول جەتكىزدى. حالىقتىڭ قاۋىپسىزدىگى ءۇشىن ءبىز وسى تاجىريبەنى ەلگە ەنگىزدىك. سەبەبى كوروناۆيرۋس ادامنان ادامعا عانا ەمەس, ۇستاعان تەلەفونى, ەسىكتىڭ تۇتقاسى نەمەسە ءليفتتىڭ باتىرماسى ارقىلى تاراي بەرەدى. اعاش نەمەسە تسەمەنت بولسىن – 24 ساعاتقا دەيىن سول جەردە قالا بەرەدى. ياعني سول كارتادا كورسەتىلگەن ۇيگە بارساڭىز بايقاۋىڭىز كەرەك», دەدى ولجاس ابىشەۆ.
ۆيتسە-ءمينيستردىڭ ايتۋىنشا, كارتا ءار ءسات سايىن جاڭارتىلىپ, ءۇي تۇرعىندارى كارانتيننەن شىققان سوڭ كارتاداعى نۇكتەلەر اۆتوماتتى تۇردە جويىلادى.
«كارتا ءار ساعات سايىن جاڭارىپ تۇرادى. بۇل كارتانى جاساۋعا 45 ادام جۇمىلدىرىلدى. ال ەگەر كارانتيندە بولعان ادام 14 كۇننەن كەيىن كارانتيننەن شىقسا كارتاداعى نۇكتە اۆتوماتتى تۇردە جويىلىپ كەتەدى» دەدى ولجاس ابىشەۆ.
