قارجى • 27 ناۋرىز، 2020

پاۆلوداردا 140-جوبا «قاراپايىم زاتتار ەكونوميكاسى» بويىنشا قارجىلاندىرىلماق

8 رەتكورسەتىلدى

ەلىمىزدە قابىلدانعان «بيزنەستىڭ جول كارتاسى-2025» جانە «قاراپايىم زاتتار ەكونوميكاسى» باعدارلاماسى ءوز ءىسىن باستاپ، كاسىبىن كەڭەيتۋدى قالايتىن تۇرعىندارعا ءتيىمدى.

تيىمدىلىگى، 5 ميلليون تەڭگەگە دەيىن قايتارىمسىز قارجى الىپ، نەسيەلەردىڭ پايىزدىق مولشەرلەمەسىن 10 جىلعا دەيىن سۋبسيديالاي الادى.   

سونىمەن قاتار، باعدارلاماسى بارىسىندا 60 ميلليون تەڭگەگە دەيىنگى نەسيەلەر بويىنشا عانا سۋبسيديا قاراستىرىلسا، جاڭا باعدارلاما 180 ميلليون تەڭگەگە دەيىنگى قارىزعا سۋبسيديا الۋعا مۇمكىندىك بەرەدى.

مەملەكەتتىك باعدارلاما بويىنشا جەڭىلدەتىلگەن كرەديت بەرۋ ءبىرىنشى كەزەكتە وڭدەۋشى ونەركاسىپ پەن اگروونەركاسىپتىك كەشەندەگى كاسىپكەرلەر ءۇشىن قاراستىرىلعان.

مەملەكەت باسشىسى قاسىم-جومارت توقاەۆتىڭ تاپسىرماسى بويىنشا «قاراپايىم زاتتار ەكونوميكاسى»  اياسىندا قارجىلاندىرۋ 1 تريلليون تەڭگەگە دەيىن ارتتىرىلدى.

ال، بيزنەسكە قولداۋ «دامۋ» كاسىپكەرلىكتى دامىتۋ قورى، «اگرارلىق نەسيە كورپوراتسياسى» اق جانە ەكىنشى دەڭگەيلى بانكتەر ارقىلى كورسەتىلەتىن بولادى.

كاسىپكەرلەر نەسيەلەرى بويىنشا سۋبسيديا جانە كەپىلدىك الا الادى.

سۋبسيديالاۋ شەڭبەرىندە قارىز الۋشى ءۇشىن تۇپكىلىكتى مولشەرلەمە 6% – دى، ال قارىزدىڭ ەڭ جوعارى سوماسى 10 ملرد تەڭگەنى قۇرايدى.

ينۆەستيتسيانى سۋبسيديالاۋ مەرزىمى 10 جىلدى، ال اينالىم قاراجاتىن تولىقتىرۋ مەرزىمى 3 جىلدى قۇرايدى. ەگەر كەپىلدىك بەرۋ تۋرالى ايتاتىن بولساق، كەپىلدىك مەرزىمى نەسيە مەرزىمىنەن اسپاۋى ءتيىس.

قازىر وڭىردە قۇنى 38،9 ملرد تەڭگە تۇراتىن 141 جوبا بار.

وڭىرلىك كاسىپكەرلەر پالاتاسىنىڭ قارجىلاي ەمەس قولداۋ ءبولىمىنىڭ باسشىسى انەل جامپەيىسوۆانىڭ ايتۋىنشا، كاسىپكەرلەرگە بيزنەس-جوسپار جازۋ، دەكلاراتسيا تاپسىرۋ، باسقا دا قۇقىقتىق، قارجىلىق قۇجاتتاردى تولتىرۋدا جان-جاقتى قولداۋ كورسەتىلەدى.

ءارى  «بيزنەس-مەكتەپ»، «بيزنەس-ءوسۋ»، «ىسكەرلىك بايلانىستار» جانە «اعا سەنورلار» جوبالارى ارقىلى بيزنەستىڭ نەگىزىن ۇيرەنىپ، شەتەلدە تەگىن تاعىلىمدامادان وتە الادى.

كاسىپكەرلەر «بيزنەستىڭ جول كارتاسى-2025» باعدارلاماسى بويىنشا 5 ميلليون تەڭگەگە دەيىن مەملەكەتتىك گرانتتى ۇلەستىرۋ كونكۋرسىنا قاتىسۋعا شاقىردى.

پاۆلودار

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار