كوروناۆيرۋس • 27 ناۋرىز، 2020

الەمدەگى احۋالعا شولۋ: ۇلىبريتانيا پرەمەر-ءمينيسترى ۆيرۋس جۇقتىردى

605 رەتكورسەتىلدى

بۇل توپتامادا الەمنىڭ 176 ەلىندە تاراعان Covid-19 ۆيرۋسىنا قاتىستى سوڭعى جاڭالىقتاردى جاريالاپ وتىرامىز.

27 ناۋرىزدا Johns Hopkins University (JHU) ۇسىنعان مالىمەت بويىنشا ۆيرۋس جۇقتىرعاندار سانى - 542،788، ءولىم سانى - 24،361، ايىققاندار سانى - 124،351 ادام بولدى (جاڭارتىلعان ۋاقىتى 17:05).

17:32

ۇلىبريتانيا پرەمەر-ءمينيسترى كوروناۆيرۋس جۇقتىردى

پرەمەر-مينيستر كەڭسەسى بوريس دجونسوننىڭ ۆيرۋس جۇقتىرعانىن مالىمدەدى.

حابارلامادا ىندەت بەلگىلەرى جەڭىل ەكەنى ايتىلعان، سونداي-اق ول داۋنينگ-ستريتتە وقشاۋلانادى. 

ول انگليانىڭ باس دارىگەرى، پروفەسسور كريس ءۋيتتيدىڭ جەكە كەڭەسى بويىنشا كوروناۆيرۋسقا تەست تاپسىرعان.

بوريس دجونسون ءالى دە ۇكىمەتتىڭ داعدارىسقا قارسى ارەكەتىن جۇرگىزەتىن بولادى.

ەلدە بارلىعى 11،816 ادام ۆيرۋس جۇقتىرعان جانە 580 ناۋقاس ىندەتتەن كوز جۇمدى.

Twitter پاراقشاسىندا جاريالاعان حابارلاماسىندا بوريس دجونسون حالىقتى ۇيدە وتىرۋعا شاقىرىپ، «بىرگە جەڭىسكە جەتەتىنىمىزگە سەنىمدىمىن» دەپ جازدى.

 

يا


17:05

يراندا ءولىم سانى ازايماي تۇر

ەلدىڭ دەنساۋلىق ساقتاۋ مينيسترلىگىنىڭ مالىمەتىنشە، يراندا اۋىرعاندار سانى 32 332 ادامعا دەيىن ءوستى، ال قايتىس بولعاندار سانى 2378-گە جەتتى.

سوڭعى بەس كۇن ىشىندە قازا بولعاندار سانى ءوسىپ كەلەدى.

26 ناۋرىز - 157 ادام

•  25 ناۋرىز - 143 ادام

•  24 ناۋرىز - 122 ادام

•  23 ناۋرىز -127 ادام

•  22 ناۋرىز -129 ادام

s


16:19

قىرعىزستاندا ۆيرۋس جۇقتىرعان 14 ناۋقاس انىقتالدى، بارلىعى 58 جاعداي

بۇل تۋرالى بۇگىن بريفينگتە ەلدىڭ دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ باسقارماسىنىڭ باسشىسى اينۋر اقماتوۆا حابارلادى.

ونىڭ ايتۋىنشا، ونىڭ ىشىندە 7 جاعداي جالال-اباد وبلىسى سوزاق اۋدانىندا جانە 7 جاعداي وش وبلىسىندا تىركەلگەن.

ىندەت جۇقتىرعان بەس ازامات شاعىن قاجىلىقتان ورالعان جانە 9-ى ولارمەن بايلانىستا بولعان.

قىرعىزستاندا بارلىعى COVID-19 دياگنوزى راستالعان 58 ادام تىركەلگەن. 

جالال-اباد وبلىسىندا 27 ادام، وش وبلىسىندا 26 ادام، بىشكەك قالاسىندا 4 ادام، باتكەن وبلىسىندا 1 ادام بار.


15:28

ۆيرۋس افريكا قۇرلىعىندا تارالۋدا

Covid-19 افريكا قۇرلىعىندا كەڭىنەن تارالىپ جاتىر. قازىرگى ۋاقىتتا 3243 ادام ىندەت جۇقتىرعان جانە 83 ءولىم تىركەلدى.

ۆيرۋس جۇقتىرعاندار سانى از بولعانىمەن، ساراپشىلار انىقتالماعان ناۋقاستار بۇدان دا كوپ بولۋى مۇمكىن ەكەنىن ايتىپ وتىر. سەبەبى، افريكا ەلدەرىندە جاسالىپ جاتقان تەست سانى از ەكەن.

ددسۇ مەن سالا ماماندارى مەديتسيناسى ورتاشا دەڭگەيدەگى ەلدەردە جاعداي ۋشىعۋى مۇمكىن ەكەنىن ەسكەرتىپ كەلەدى.  

وڭتۇستىك افريكادا COVID-19 ۆيرۋسىنان العاشقى قازا بولعاندار بەلگىلى بولدى. بۇل ەكى دەرەك باتىس كەيپتە تىركەلگەن. 

ۆ


13:37

ءۇندىستان 21 كۇندىك كارانتين جاريالادى

جاقىندا قاتاڭ شارالار ەنگىزگەن ەلدەردىڭ قاتارىنا ءۇندىستان دا قوسىلدى. سەيسەنبى كۇنى ەلدىڭ پرەمەر-ءمينيسترى 21 كۇندىك كارانتين جاريالادى. ەلدە ۆيرۋس جۇقتىرعاندار سانىنىڭ ازدىعىنا قاراماستان، ماماندار ارنايى شارا قابىلدانباعان جاعدايدا الەمدەگى حالىق سانى كوپ ەلدەردىڭ ءبىرى ءۇندىستاندى ۇلكەن قاتەر كۇتىپ تۇرعانىن ەسكەرتتى. قازىر ەلدە 657 جاعداي تىركەلگەن، دەسە دە كورشىلەس پاكىستاندا ۆيرۋس جۇقتىرعاندار سانى مىڭنان اسقان.  


12:02

وزبەكستاندا ۆيرۋستان العاشقى ناۋقاس كوز جۇمدى

26 ناۋرىزدا نامانگاننىڭ 72 جاستاعى تۇرعىنى كوروناۆيرۋستى ينفەكتسيامەن وبلىستىق جۇقپالى اۋرۋلار اۋرۋحاناسىنا جاتقىزىلدى.

ول 12 ناۋرىز كۇنى تۇركيادان ورالىپ، ۆيرۋس جۇقتىرعانى بەلگىلى بولعان قىزىمەن بايلانىستا بولعان.

دەنساۋلىق ساقتاۋ مينيسترلىگىنىڭ اقپاراتى بويىنشا، ناۋقاس كوپ جىلدار بويى ديابەتتەن، سوزىلمالى جۇرەك دەرتىنەن جانە باسقا دا اۋرۋلاردان ەمدەلىپ كەلگەن.

ول 27 ناۋرىز كۇنى تاڭەرتەڭ ساعات 4:30-دا ميوكارد ينفاركتىنەن  قايتىس بولدى دەلىنگەن حابارلامادا.

ەلدە ۆيرۋس جۇقتىرعاندار سانى 83-كە جەتتى.

سونداي-اق كوروناۆيرۋس جۇقتىرعان 15 وزبەكستاندىقتان پنەۆمونيا انىقتالعان، 7-ءى اۋىر جاعدايدا. بۇل تۋرالى مەملەكەتتىك سانيتارلىق-ەپيدەميولوگيالىق باقىلاۋ ينسپەكتسياسىنىڭ باستىعى نۇرمات وتابەكوۆ مالىمدەدى.


09:49

اقش-تا كوروناۆيرۋس جۇقتىرعاندار سانى قىتايدان اسىپ كەتتى

Johns Hopkins University (JHU) ۇسىنعان اقپاراتقا سايكەس، اقش كوروناۆيرۋس جۇقتىرعان تۇرعىندار سانى بويىنشا الەمدەگى ءبىرىنشى ەلگە اينالدى. قازىر ەلدە 85،653 جاعداي تىركەلدى. بۇل قىتايدا انىقتالعان ناۋقاستاردان 4 مىڭعا كوپ.

الەمدە كوروناۆيرۋس پاندەميا­سىنا قارسى كۇرەستە ارەكەت ەتۋگە كەشىككەن ەلدەر قاتارىندا اقش تا بولدى.

ەلدەگى ءولىم سانى 1،290-عا جەتتى، بۇل - يتاليا (8،215) مەن قىتايدان (8،215) كەيىنگى ءۇشىنشى كورسەتكىش.

ۆيتسە-پرەزيدەنت مايك پەنس قازىرگى ۋاقىتتا كوروناۆيرۋسقا ارنالعان تەستتەر بارلىق 50 شتاتتا قول جەتىمدى ەكەنىن جانە بۇكىل ەل بويىنشا 552 000-نان استام تەست جۇرگىزىلگەنىن مالىمدەدى.

پرەزيدەنت ترامپ انىقتالعان جاعداي ەلدە جاپپاي جۇرگىزىلىپ جاتقان تەستىلەۋدىڭ ارقاسى دەپ وتىر. 

دونالد ترامپتىڭ داعدارىستى يگەرۋدە كەش قالعانىن ايتىپ، ونى سىناپ جاتقاندار دا كوپ.

ۆيرۋستىڭ ەڭ كوپ تاراعان ايماقتارى ەلدە ادام تىعىز ورنالاسقان نيۋ-يورك، نيۋ ورلەان سەكىلدى قالالار بولىپ وتىر.

كەشە عانا قىتاي مەن يتاليادان كەيىن ۆيرۋس كوپ تاراعان ءۇشىنشى ەل بولعان اقش، بۇگىن تاڭەرتەڭ كوروناۆيرۋستىڭ جاڭا ەپيتسەنترىنە اينالدى. 


09:22

الەمدەگى قازىرگى جاعداي

پ


26 ناۋرىز قىسقاشا:

• ءۇندىستان 21 كۇندىك كارانتين جاريالادى

• يتاليا مەن يسپانيادا ىندەتتەن قازا بولعاندار سانى قىتايدان اسىپ كەتتى

• ماسكەۋدە قوعامدىق ورىندار جابىلادى

• يراندا ءبىر تاۋلىكتە 157 ادام كوز جۇمدى

• يتاليادا ىندەتتى جەڭگەن جاسى ەڭ ۇلكەن ناۋقاس 95-تە

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار