قوعام • 26 ناۋرىز، 2020

الماتىعا اقشامەن كىرىپ-شىعۋعا بولاتىنى تۋرالى اقپاراتتار راستالعان جوق

151 رەتكورسەتىلدى

بۇگىن الماتى پوليتسياسى قالانىڭ شەكاراسىنان اقىلى تۇردە ءوتۋ مۇمكىندىگى تۋرالى الەۋمەتتىك جەلىلەردە تاراعان حابارلاردىڭ ەشقايسىسى راستالماعانىن مالىمدەدى.

الماتى پوليتسيا دەپارتامەنتىنىڭ حابارلاۋىنشا، قالادا كارانتين باستالعاننان بەرى كارانتيندىك ايماققا اقىلى كىرۋگە بولاتىنى تۋرالى الەۋمەتتىك جەلىلەردە تاراعان 6 پوستتى تەكسەرگەن.

ء«بىز الەۋمەتتىك جەلىلەر مەن قوعامدىق كوڭىل-كۇيدى تاۋلىك بويى قاداعالاپ وتىرامىز. شەكارادان اقىلى تۇردە قالاعا وتكىزۋ مۇمكىندىگى تۋرالى حابارلامالار كەلگەن جاعدايدا جەدەل شارالار قولدانىلادى. قالادا كارانتين ەنگىزىلگەننەن بەرى 6 اقپاراتتىق پوست تەكسەرىلدى ­­ جانە ولاردىڭ بارلىعى دا راستالمادى: ءبىر جاعدايدا – ەركەك ايەلدەردىڭ اڭگىمەلەرىن ەستىپ، بۇل وسەكتەردى ءوز پاراقشاسىنا سالۋدى ۇيعاردى، ەكىنشى جاعدايدا – حابارلامانىڭ اۆتورى فەيسبۋكتەگى ءوز پاراقشاسىنا ماس كۇيىندە ويىنا كەلگەن قيالىن جازعان. وكىنىشكە قاراي، بۇل فاكتىلەر قازىردىڭ وزىندە الداۋ مەن تانىمالدىقتى ىزدەۋدە جالعان اقپارات تاراتىپ، قوعامدى ادەيى اداستىراتىن ازاماتتاردىڭ وزىندىك ساناسىنىڭ تومەندىگىن ايعاقتايدى»، – دەدى الماتى قالالىق پوليتسيا دەپارتامەنتىنىڭ باستىعى، پوليتسيا پولكوۆنيگى قانات تايمەردەنوۆ.

الايدا، الماتى پوليتسياسىنىڭ باستىعى جالعان حابارلامالاردىڭ اۆتورلارىنا قاتىستى قازىرگى ۋاقىتتا قر قك-ءنىڭ 274-بابى 4-تارماعى بويىنشا سوتقا دەيىنگى تەرگەۋ ءجۇرىپ جاتقانىن اتاپ ءوتتى. توتەنشە جاعداي كەزىندە جالعان اقپارات تاراتقانى ءۇشىن ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ تۇرىندەگى جاۋاپكەرشىلىك كوزدەلەدى.

ء«بىز قۇقىقتىق مەملەكەتتە ءومىر ءسۇرىپ جاتىرمىز. سوندىقتان كەز كەلگەن ومىرلىك ماڭىزدى جاعدايدا زاڭ ەرەجەلەرىن ۇستانۋ كەرەك جانە ولاردى شەشۋدىڭ باسقا ادىستەرىن ىزدەمەۋ كەرەك. قازىرگى ۋاقىتتا قالانىڭ پەريمەترى بويىنشا قۇرىلعان 27 جول توسقاۋىلىنداعى جاعداي تۇراقتى ەكەنىن تولىق جاۋاپكەرشىلىكپەن ايتامىن.  پوليتسيا قىزمەتكەرلەرى جانە وسىعان اتسالىسىپ جاتقان باسقا دا قىزمەتتەردىڭ وكىلدەرىمەن، ەڭ الدىمەن، اقپاراتتىق-كەڭەس بەرۋ جۇمىستارى جۇرگىزىلۋدە. سىبايلاس جەمقورلىق سيپاتىنداعى فاكتىلەر تىركەلمەگەن. ازاماتتاردىڭ تۇسىنگەنى ماڭىزدى: بۇگىنگى كۇنى قابىلدانعان شارالار تەك قوعامنىڭ دەنساۋلىعى مەن بەرەكەسى ءۇشىن.  ءبىز بۇل اۋرۋمەن بىرگە كۇرەسىپ، ونىڭ تارالۋىنا جول بەرمەۋىمىز كەرەك»، – دەدى پوليتسيا پولكوۆنيگى.

سونىمەن قاتار، سپيكەر پوليتسيا قىزمەتكەرلەرىنىڭ زاڭعا قايشى نەمەسە سىبايلاس جەمقورلىققا قاتىستى ارەكەتتەرى تۋرالى اقپارات بەرۋگە بولاتىن تەلەفون نومىرلەرىن حابارلادى: 254-40-84;  254-40-77 جانە 8-707-927-67-69.

«سونداي-اق، جالعان اقپارات تاراتقانى جانە جالعان ايعاقتار بەرگەنى ءۇشىن قىلمىستىق جاۋاپكەرشىلىكتىڭ بار ەكەنىن ەسكەرتەمىز. بۇقارالىق اقپارات قۇرالدارى مەن الەۋمەتتىك جەلىلەر تەك وبەكتيۆتى اقپارات بەرەتىن الاڭ رەتىندە قىزمەت ەتۋى كەرەك، بىراق ءىس جۇزىندە بۇل باسقاشا»، – دەيدى قانات تايمەردەنوۆ.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار