قوعام • 26 ناۋرىز، 2020

ەلوردادا 4 ناۋقاستىڭ دەنساۋلىعى تۇراقتى اۋىر جاعدايدا - ساۋلە قيسىقوۆا

48 رەتكورسەتىلدى

نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا نۇر-سۇلتاندا سوڭعى تاۋلىكتە تىركەلگەن ناۋقاستاردىڭ دەنساۋلىعى جايىندا ايتتى.

«قالادا جۇقپالى پروۆيزورلى جانە كارانتيندىك اۋرۋحانالاردا 1156 ادام جاتىر. ونىڭ ىشىندە 80-ءى بالالار. سوڭعى مالىمەتتەرگە سايكەس، نۇر-سۇلتان قالاسىندا ۆيرۋس جۇقتىرۋدىڭ 61 وقيعاسى تىركەلدى. ونىڭ 20-سى 26 ناۋرىز بويىنشا تىركەلگەن فاكتىلەر»، دەدى ساۋلە قيسىقوۆا.

ونىڭ ايتۋىنشا، ۆيرۋس جۇقتىرعان 20 ناۋقاستىڭ 14-ءى قازىر ستاتسيوناردا ەم قابىلداپ جاتىر.

«ولاردىڭ ءبىر بولىگى ستاتسيوناردا پنەۆمانيا كۇدىگىمەن وتكىر جرۆي-مەن جاتقان ناۋقاستار. ەندى ءبىرى بۇرىن تىركەلگەن ادامدارمەن بايلانىستا بولعان ازاماتتار. سونداي-اق 25 ناۋرىزدا نۇر-سۇلتان اۋەجايىنا وزگە ەلدەردەن ۇشىپ كەلگەندەر بار. 6 ادام نۇر-سۇلتان قالاسىنىڭ تۇرعىندارىنا مونيتورينگ جاساۋ بارىسىندا تىركەلدى»، دەدى ول.

سونداي-اق ول قازىر 4 ناۋقاستىڭ دەنساۋلىعى تۇراقتى اۋىر جاعدايدا ەكەنىن ايتتى.

«قازىرگى ۋاقىتتا نۇر-سۇلتاندا 61 ادامنان كوروناۆيرۋستىق ينفەكتسيا تابىلىپ، ستاتسيوناردا ەم قابىلداپ جاتىر. 4 ناۋقاستىڭ دەنساۋلىعى تۇراقتى اۋىر جاعدايدا. ولاردىڭ وكپە قابىنۋى راستالدى جانە تىنىس جەتىسپەۋشىلىگى بار. كوروناۆيرۋستىق ينفەكتسيا بويىنشا حاتتاماعا سايكەس ەم-دوم الىپ جاتىر. قالعان ناۋقاستاردىڭ جاعدايى قاناعاتتانارلىق، ەشقانداي شاعىم جوق، دەنە قىزۋى قالىپتى»، دەدى س. قيسىقوۆا.

 

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار