قارجى • 26 ناۋرىز، 2020

الماتى وبلىسى: رەسپۋبليكالىق بيۋدجەتتەن 109،2 ميلليارد تەڭگە ءبولىندى

6 رەتكورسەتىلدى

ەلىمىزدە پرەزيدەنت قاسىم-جومارت توقاەۆتىڭ تاپسىرماسىنا سايكەس «جۇمىسپەن قامتۋدىڭ جول كارتاسى» جاسالدى. ونى جۇزەگە اسىرۋ شارالارى اياسىندا الماتى وبلىسىنا رەسپۋبليكالىق بيۋدجەتتەن 109،2 ميلليارد تەڭگە ءبولىندى.

قوماقتى قارجىعا ايماق بويىنشا 1240 جوبانى جۇزەگە اسىرۋ جوسپارلانىپ، 27،3 مىڭ جۇمىس ورنىن قۇرۋعا قادام جاسالماق. بۇل تۋرالى تالدىقورعاندا وتكەن سەلەكتورلىق جيىندا وبلىس اكىمى اماندىق باتالوۆ مالىمدەدى. جيىندا مەملەكەت باسشىسى قاسىم-جومارت توقاەۆتىڭ  توتەنشە جاعدايلار جونىندەگى مەملەكەتتىك كوميسسيانىڭ 23 ناۋرىزداعى وتىرىسىندا بەرگەن تاپسىرمالارىن ورىنداۋ جايى پىسىقتالدى. پرەزيدەنت تاپسرىماسى بويىنشا «جۇمىسپەن قامتۋدىڭ جول كارتاسى» جاسالىپ، ونى ايماقتاردا جۇزەگە اسىرۋدىڭ جولدارى انىقتالدى. قازىر رەسپۋبليكالىق بيۋدجەتتەن 1 تريلليون تەڭگە قاراستىرىلدى. سونىڭ ىشىندە الماتى وبلىسىنا  دا 109،2 ميلليارد تەڭگە ءبولىنىنىپ وتىر.

- بۇل ءبىزدىڭ ايماق ءۇشىن اسا ماڭىزدى ءارى قاجەت قاراجات. وسىعان بايلانىستى بۇل قاراجاتتى قايدا باعىتتاۋ كەرەكتىگىن ناقتى شەشۋىمىز كەرەك. ءبىز ەڭ الدىمەن حالىقتى جۇمىسپەن قامتۋ ماسەلەسىنە نازار اۋدارامىز. سەبەبى وبلىستىڭ كوپتەگەن تۇرعىندارى كوروناۆيرۋسقا بايلانىستى جۇمىسسىز قالدى. ولاردىڭ وتباسىنا جاعداي جاساپ، جاڭا جۇمىس ورىندارىن اشۋىمىز كەرەك. ءبىرىنشى كەزەكتە قارجىنى ەسەپ بەرۋ جيىندارىندا، ازاماتتاردى جەكە قابىلداۋلاردا وبلىستىڭ اۋدان، قالالارىنىڭ تۇرعىندارى تاراپىنان كوتەرىلگەن ماسەلەلەرگە بولەتىن بولامىز. تۇرعىنداردىڭ بارلىق وتىنىشتەرىنە تالداۋ جاساپ، بولىنگەن قارجىنى ماڭىزدى ءارى قاجەتتى جوبالاردى جۇزەگە اسىرۋعا باعىتتاۋعا ءتيىسپىز. سونىڭ ىشىندە جولداردى جوندەۋ، نىسانداردى قالپىنا كەلتىرۋ جانە دە باسقا ماسەلەلەر بار، - دەدى جيىندا وبلىس اكىمى اماندىق باتالوۆ.

 

الماتى وبلىسى

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار