«ەلىمىزدە قاشىقتان وقىتۋ پروتسەسىن باستاۋعا دايىندىق جۇمىسى جۇرگىزىلۋدە. جۇمىس توبى قۇرىلدى. الەم ەلدەرىنىڭ قاشىقتان وقىتۋ تاجىريبەسى زەردەلەندى. مينيسترلىكتە قۇرىلعان جوبالىق كەڭسەنىڭ ۇسىنىستارىن ەسكەرە وتىرىپ, ءوز تۇجىرىمدامامىزدى ايقىندادىق. نەگىزگى كونتەنت رەتىندە تەلەۆيزيالىق ساباقتار, دايىن تسيفرلىق رەسۋرستار ۇسىنىلادى. تەلەۆيدەنيەگە 2 مىڭنان استام ساباق تۇسىرىلەتىن بولادى. قازىرگى تاڭدا مۇنداي ساباقتاردىڭ 200-گە جۋىعى دايىن», - دەدى مينيستر.
ونىڭ ايتۋىنشا, قاشىقتان وقىتۋ پروتسەسى ءار مەكتەپتەگى ساباق كەستەسىنە سايكەس وتەدى
ء«بىر ايتىپ وتەتىن جاعداي, بۇل رەسۋرستاردىڭ بارلىعى پەداگوگقا جانە وقۋشىعا قوسىمشا اقپارات بولىپ سانالادى. نەگىزگى قاشىقتان وقىتۋ پروتسەسى ءار مەكتەپتەگى ساباق كەستەسىنە سايكەس وتەدى. ساباقتى وتكىزۋ ۋاقىتى 30 مينۋتتى قۇرايدى. وقۋشى, مۇعالىم, اتا-انا كەرى بايلانىستى «كۇندەلىك», ء«بىلىم ال» مەكتەپ جۇيەلەرى ارقىلى ورناتاتىن بولادى. بارلىق ادىستەمەلەر, نۇسقاۋلىقتار دايىن»,- دەدى داۋرەن اباەۆ.
