كوروناۆيرۋس • 26 ناۋرىز، 2020

الەمدەگى احۋالعا شولۋ: ماسكەۋدە قوعامدىق ورىندار جابىلادى

144 رەتكورسەتىلدى

بۇل توپتامادا الەمنىڭ 175 ەلىندە تاراعان Covid-19 ۆيرۋسىنا قاتىستى سوڭعى جاڭالىقتاردى جاريالاپ وتىرامىز.

26 ناۋرىزدا Johns Hopkins University (JHU) ۇسىنعان مالىمەت بويىنشا ۆيرۋس جۇقتىرعاندار سانى - 487 648، ءولىم سانى - 22 030، ايىققاندار سانى - 117 749 ادام بولدى (جاڭارتىلعان ۋاقىتى 18:04).

18:50

ماسكەۋدە قوعامدىق ورىندار جابىلادى

ماسكەۋدە ازىق-ت ۇلىك ساتاتىن دۇكەندەر مەن ءدارىحانالاردان باسقا ساۋدا ورىندارى، مەيرامحانالار، بارلار مەن ساياباقتار جابىلاتىن بولدى. سوڭعى ەكى كۇندە رەسەيدە كوروناۆيرۋس جۇقتىرعاندار سانى كۇرت ارتتى. قازىر ەلدە بارلىعى 840 جاعداي تىركەلگەن. 3 ناۋقاس ىندەتتەن كوز جۇمسا، 799 ادام ايىققان. رەسەي بيلىگى شەتەلدەگى ەل ازاماتتارىن قايتاراتىن ارنايى رەيستەردەن باسقا بارلىق حالىقارالىق ۇشۋعا تىيىم سالدى.

ا

سۋرەت: سەرگەي ساۆوستيانوۆ / تاسس


18:02

يتاليادا ىندەتتى جەڭگەن جاسى ەڭ ۇلكەن ناۋقاس 95-تە

شەتەلدىك باق يتاليادا كوروناۆيرۋستى جەڭگەن 95 جاستاعى اجە تۋرالى حاباردى جارىسا جازدى. بۇل جاڭالىق ەلدە 7500-دەن استام ادامنىڭ قازاسىنا الىپ كەلگەن ىندەتتى جەڭۋگە ءۇمىت بەرگەندەي. كەيبىر دەرەككوزدەر ونى يتاليادا ىندەتتى جەڭگەن جاسى ەڭ ۇلكەن ناۋقاس دەپ اتادى.  

الما كلارا كورسيني اۋرۋحاناعا 5 ناۋرىز كۇنى تۇسكەن. ءۇش اپتادان كەيىن ول ىندەتتەن تولىق ايىعىپ، ۇيىنە ورالعان. ول مودەنا پروۆينتسياسىنىڭ فانانو قالاسىندا تۇرادى.   

دارىگەرلەردىڭ ايتۋىنشا، ونىڭ اعزاسى ەمدى جاقسى قابىلداپ، Covid-19 ۆيرۋسىن جەڭىپ شىققان.

Gazzetta Di Modena باسىلىمىنا بەرگەن سۇحباتىندا ء«يا، ءيا، مەندە ءبارى جاقسى» دەپ جاۋاپ بەرىپتى. ناۋقاس ونى ەمدەگەن دارىگەرلەردىڭ جاقسى ادام ەكەنىن اتاپ ءوتىپ، ولارعا العىس بىلدىرگەن.

يتاليا - الەمدە كوروناۆيرۋس ينفەكتسياسى كوپ تاراعان قىتايدان كەيىنگى ەكىنشى مەملەكەت. ەلدە بارلىعى 74 386 جاعداي تىركەلىپ، 7503 ادام كوز جۇمعان. ۆيرۋس جۇقتىرعانداردىڭ 9362-ءسى ىندەتتەن جازىلعان.  

ا


16:27

يراندا ءبىر تاۋلىكتە 157 ادام كوز جۇمدى

يراننىڭ دەنساۋلىق ساقتاۋ مينيسترلىگى سوڭعى 24 ساعاتتا ەلدە ۆيرۋستان 157 ادام قازا تاپقانىن مالىمدەدى. جالپى يراندا ىندەتتەن قازا بولعاندار سانى 2 234-كە جەتتى.

سونداي-اق ەلدە ءبىر كۇندە كوروناۆيرۋس جۇقتىرۋدىڭ جاڭا 2 389 دەرەگى تىركەلگەن، سونىمەن يراندا جالپى 29 406 ادام ىندەت جۇقتىرعان.

Johns Hopkins University (JHU) مالىمەتىنە سايكەس، يران الەمدەگى ينفەكتسيا سانى كوپ 6-شى ەل.

پ


الەمدەگى سوڭعى جاڭالىقتار قىسقاشا:

• قازاقستاندا ۆيرۋس جۇقتىرعاندار سانى 109-عا جەتتى

•   ۇلىبريتانيا حانزاداسى چارلزدان COVID-19 انىقتالدى

•  الەم ەلدەرى ساقتىق شارالارىن كۇشەيتىپ جاتىر

• ماسكەۋدە كوروناۆيرۋس جۇقتىرعان 2 ادام كوز جۇمدى

• Tesla مەن SpaceX جاساندى دەم الۋعا كومەكتەسەتىن اپپارات شىعارادى

• كاريكاتۋرشىلار اراسىندا ء«بىز كوروناۆيرۋستى جەڭەمىز» بايقاۋى ءوتىپ جاتىر

• اقش-تا كوروناۆيرۋستى تولىقتاي توقتاتۋ ءۇشىن ايىنا 1 تريلليون دوللار كەتۋى مۇمكىن

 

 

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار