قازاقستان • 26 ناۋرىز، 2020

الماتى: كوگەرشىندەر نەدەن قىرىلۋى مۇمكىن؟

134 رەتكورسەتىلدى

الماتىداعى اۋىل شارۋاشىلىعى مينيسترلىگى 28 پانفيلوۆشىلار ساياباعىندا قۇستاردىڭ قىرىلىپ قالۋ سەبەبىن انىقتاۋ ءۇشىن ارنايى كوميسسيا قۇردى. بۇل تۋرالى ۆەدومستۆونىڭ رەسمي وكىلى ساكەن دىلداحمەت facebook پاراقشاسىندا مالىمدەدى.

ەستەرىڭىزدە بولسا، كەشە الماتى كوشەلەرىندە كوگەرشىندەردىڭ ءولىپ جاتقان فوتولارى مەن ۆيدەولار تاراپ ەدى. ول تۋرالى سايتىمىزدا جازعان بولاتىنبىز. ال 26 ناۋرىزدا، ياعني بۇگىن الماتى قالاسىنداعى 28 پانفيلوۆشى ساياباعىندا قۇستاردىڭ قىرىلىپ قالۋ سەبەبىن انىقتاۋ ءۇشىن الماتى وبلىسى ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ باستاماسىمەن ارنايى كوميسسيا قۇرىلىپتى. ساكەن دىلداحمەتتىڭ جازۋىنشا، كوميسسيا قۇرامىندا اۋىل شارۋاشىلىعى مينيسترلىگى ۆەتەرينارلىق باقىلاۋ جانە قاداعالاۋ اۋماقتىق ينسپەكتسياسىنىڭ، كاسىپكەرلىك جانە ينۆەستيتسيالار باسقارماسىنىڭ، زوولوگيا ينستيتۋتىنىڭ جانە كوگالداندىرۋ ءبولىمىنىڭ وكىلدەرى بار.

ك

"كوميسسيا بۇعان دەيىن مۇز ايدىنى بولعان 100 شارشى مەتر اۋماقتا 30 قۇستىڭ قىرىلىپ قالعانىن انىقتادى. الدىن الا بولجام بويىنشا قۇستار ۋلانعاننان قىرىلۋى مۇمكىن. كوميسسيا قىرىلعان بارلىق قۇستان اناليز الىپ، ۆەتەرينارلىق قىزمەت ولاردى لابوراتوريالىق زەرتتەۋگە ىرىكتەدى. قۇستاردىڭ نەدەن قىرىلعانى تالداۋ ناتيجەسى شىققاننان كەيىن بەلگىلى بولادى" دەپ جازدى ساكەن دىلداحمەت.

 

فوتولار ساكەن دىلداحمەتتىڭ پاراقشاسىنان الىندى

 

سوڭعى جاڭالىقتار

پاندەميا: ساقتانساڭ ساۋ بولارسىڭ

ايماقتار • بۇگىن، 20:08

ەرىكتىلەر بالالاردى قۇتتىقتادى

ايماقتار • بۇگىن، 16:47

ازيادا COVID-19-دان ءولىم نەگە از؟

كوروناۆيرۋس • بۇگىن، 16:07

ۇقساس جاڭالىقتار