پارلامەنت • 26 ناۋرىز، 2020

ءماجىلىس توراعاسى پرەزيدەنت تاپسىرمالارىنىڭ ورىندالۋىنا قولداۋ ءبىلدىردى

13 رەتكورسەتىلدى

ءماجىلىس توراعاسى، «Nur Otan» پارتياسى فراكتسياسىنىڭ جەتەكشىسى نۇرلان نىعماتۋلين فراكتسيا دەپۋتاتتارىنىڭ اتىنان توتەنشە جاعداي كەزىندە ەلدىڭ تۇراقتىلىعىن قامتاماسىز ەتۋ جانە كوروناۆيرۋس ەپيدەمياسىنىڭ تارالۋىنا قارسى ارەكەت ەتۋ ءۇشىن قابىلداناتىن شارالارعا قولداۋ ءبىلدىردى. بۇل تۋرالى ءماجىلىستىڭ ءباسپاسوز قىزمەتى حابارلادى.

- پارلامەنت ماجىلىسىندەگى «Nur Otan» پارتياسىنىڭ فراكتسياسى مەملەكەت باسشىسى قاسىم-جومارت كەمەل ۇلى توقاەۆتىڭ كوروناۆيرۋس ەپيدەمياسىنىڭ تارالۋىنا قارسى ارەكەت ەتۋ جانە توتەنشە جاعداي كەزىندە تۇراقتىلىقتى قامتاماسىز ەتۋ جونىندەگى تاپسىرمالارىنا ءبىراۋىزدان قولداۋ بىلدىرەدى - دەدى پالاتا سپيكەرى.

سونىمەن قاتار ءماجىلىس توراعاسى تۇڭعىش پرەزيدەنت ەلباسى نۇرسۇلتان ءابىش ۇلى نازارباەۆ مەملەكەتتىك دەڭگەيدە قابىلدانىپ جاتقان شارالار ۋاقتىلى جانە داعدارىستىق جاعدايعا جاۋاپ بەرەتىنىن اتاپ وتكەنىنە توقتالدى. ءماجىلىس توراعاسى ىندەت كەزىندە وسىنداي شارالاردى قابىلداۋدان كەشىگىپ قالعان ەلدەرگە جاعداي كۇرت تومەندەپ كەتكەنىنە نازار اۋداردى.

مەملەكەت باسشىسىنىڭ تاپسىرمالارىنا سايكەس قازاقستاندا ىسكە اسىرىلىپ جاتقان كەشەندى شارالار تۋرالى ايتا كەلە، ءماجىلىس توراعاسى كوروناۆيرۋس ەپيدەمياسىنىڭ تارالۋىنا قارسى كۇرەس جونىندەگى جۇمىستاردى كۇشەيتۋدىڭ، توتەنشە جاعداي كەزىندە قوعامدىق قاۋىپسىزدىكتى جانە ەلدەگى الەۋمەتتىك تۇراقتىلىقتى قامتاماسىز ەتۋدىڭ ماڭىزدىلىعىنا ءمان بەردى.

جەرگىلىكتى دەڭگەيدە سالىقتىق پرەفەرەنتسيالار مەن قولداۋدى قوسپاعاندا، داعدارىسقا قارسى شارالاردىڭ جالپى پاكەتى 4،4 ترلن تەڭگە نەمەسە 10 ملرد دوللاردى قۇرايدى. وسىلايشا، پرەزيدەنتتىڭ تاپسىرمالارى قازاقستان قوعامىنداعى ءومىردىڭ بارلىق سالالارىن قامتىپ، باستى نازار الەۋمەتتىك تۇراقتىلىققا اۋدارىلاتىنىن ايتقان ن.نىعماتۋلين ەل باسشىلىعىنىڭ وسى توتەنشە جاعدايلار كەزىندە حالىققا ەلەۋلى كومەك پەن قولداۋ كورسەتۋگە دايىن ەكەنىن جانە مەملەكەت تۇبەگەيلى شارالار قابىلدايتىنىن اتاپ ءوتتى.

ءماجىلىس توراعاسى پرەزيدەنتتىڭ داعدارىسقا قارسى بارلىق تاپسىرمالارىن ورتالىقتا دا، ەلدى مەكەندەردە دە ناقتى ورىنداۋ قاجەتتىلىگىنە نازار اۋداردى. مەملەكەت باسشىسى داعدارىسقا قارسى جوسپاردى قارجىلاندىرۋدىڭ جولدارىن، تەتىكتەرىن جانە قارجىلاندىرۋ كوزدەرىن ايقىندادى. ەندى بارلىق مەملەكەتتىك اپپاراتتىڭ مىندەتى – مينيستردەن باستاپ مامانعا دەيىن بەلگىلەنگەن ماقساتتارعا جەتۋ ءۇشىن ناقتى جانە ۇيلەسىمدى جۇمىس جاساۋ ەكەنىنە توقتالدى. سونىمەن قاتار، ءماجىلىس توراعاسى مەملەكەت باسشىسىنىڭ جاعداي تۇراقتانعاننان كەيىن ءومىر سۇرۋگە ارنالعان جۇيەلى تاسىلدەردى ازىرلەۋ قاجەتتىگىنىڭ ماڭىزدىلىعىن اتادى.

- پارلامەنت ماجىلىسىندەگى «Nur Otan» پارتياسىنىڭ فراكتسياسى ەلدىڭ داعدارىستان كەيىنگى دامۋ جوسپارىن ىسكە اسىرۋعا جان-جاقتى قولداۋ كورسەتۋگە دايىن. بۇل ءۇشىن قاجەتتى زاڭنامالىق جاڭالىقتاردىڭ بارلىعى «Nur Otan» پارتياسى فراكتسياسىنىڭ مۇشەلەرى - دەپۋتاتتار قىزمەتىنىڭ نەگىزگى باعىتتارىنىڭ ءبىرى بولادى، - دەدى نۇرلان نىعماتۋلين.

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار