- مەملەكەت باسشىسىنىڭ باستاماسىمەن قولعا الىنعان ء«بىز بىرگەمىز!» رەسپۋبليكالىق اكتسياسى اياسىندا ەلباسىنىڭ تاپسىرماسى بويىنشا «Nur Otan» پارتياسى مەن تۇڭعىش پرەزيدەنت قورى كوروناۆيرۋس كەزەڭىندە حالىقتىڭ الەۋمەتتىك ءالسىز توپتارىنا قولداۋ كورسەتۋ ءۇشىن قاراجات ءبولدى. تەك سوڭعى 6 كۇندە بۇكىل ەل كولەمىندە 11 600-دەن استام وتباسىعا 214 ملن تەڭگەگە كومەك كورسەتىلدى, - دەلىنگەن حابارلامادا.
سونداي-اق ول ەرەكشە قاجەتتىلىكتەرى بار ازاماتتار مەن كوپبالالى وتباسىلارعا الەۋمەتتىك پاكەتتەردى ۇلەستىرىپ بەرۋگە ەرىكتى تۇردە اتسالىسىپ جۇرگەن «Jas Otan» ۆولونتەرلارى مەن بەلسەندى نۇروتاندىقتارعا العىس ءبىلدىردى.
- جالعىز باستى قارتتارعا, تۇرمىسى تومەن كوپبالالى وتباسىلارعا, ەرەكشە قاجەتتىلىكتەرى بار ازاماتتار مەن باسقا دا مۇقتاج جاندارعا الەۋمەتتىك پاكەتتەردى بايلانىسسىز ۇلەستىرىپ بەرۋگە ەرىكتى تۇردە اتسالىسىپ جۇرگەن «Jas Otan» ۆولونتەرلارى مەن بەلسەندى نۇروتاندىقتارعا العىس ايتامىن, - دەپ جازدى باۋىرجان بايبەك.
