قوعام • 26 ناۋرىز، 2020

قاشىقتان جۇمىس ىستەۋ كەزىندەگى قاۋىپسىزدىك شارالارى

46 رەتكورسەتىلدى

«مەملەكەتتىك تەحنيكالىق قىزمەت» رمك اقپاراتتىق قاۋىپسىزدىكتى قامتاماسىز ەتۋ جانە زيان كەلتىرۋشىلەر تاراپىنان شابۋىل جاساۋ قاتەرلەرىن تومەندەتۋ ءۇشىن ازاماتتاردى كۇماندى حابارلامالاردى اشپاۋعا جانە مازمۇنى كۇدىكتى ينتەرنەت-رەسۋرستارعا ءوتۋدى بارىنشا ازايتۋعا شاقىرادى.

كوپتەگەن ۇيىم توتەنشە جاعدايدىڭ بارلىق كەزەڭىنە قاشىقتان جۇمىس ىستەۋگە اۋىساتىنىن نازارعا الا وتىرىپ، زيان كەلتىرۋشىلەردىڭ قۇربانىنا اينالۋ تاۋەكەلدەرى ارتا ءتۇستى. سوندىقتان بارلىق قازاقستاندىقتاردى تەكسەرىلمەگەن اقپاراتتى ودان ءارى تاراتپاۋعا، بەيتانىس ادامداردان جىبەرىلگەن سىلتەمەلەر بويىنشا وتپەۋگە، تەكسەرىلمەگەن دەرەككوزدەردەن اقپاراتتى جۇكتەپ الماۋعا، ۆيرۋسقا قارسى باعدارلامانى جاڭارتىپ، دەربەس كومپيۋتەردى جۇيەلى تۇردە سكانەرلەۋدى جۇرگىزۋگە شاقىرامىز.

ترويان ۆيرۋسىمەن زاقىمدالعان Covid-19 تۋرالى تاراتىلعان اقپاراتتىڭ ايقىندالۋىنا جانە اقپاراتتىق قاۋىپ­سىزدىك ينتسيدەنتتەرىنىڭ الدىن الۋعا باي­لانىستى «مەملەكەتتىك تەحنيكالىق قىز­مەت» «قاۋىپسىز DNS» سەرۆيسى تۇرىندەگى تە­ح­­ني­كالىق شەشىمدى ازىرلەدى.

سەرۆيستىڭ ەرەكشەلىگى زياندى رەسۋرس­تار، فيشينگ پەن سپام ساناتىنا جاتاتىن ينتەرنەت-رەسۋرستارعا پايدالانۋشى سۇراۋ سالۋدى جۇزەگە اسىرعان كەزدە مەكەنجايلار بەينەلەۋ ءۇشىن قولجەتىمسىز بولاتىنىندا. جاي سوزبەن ايتقاندا، «قاۋىپسىز DNS» بازاسىنا ەنگىزىلگەن ينتەرنەت-رەسۋرسقا جىبەرىلىم الىپ نەمەسە ءوتىپ، پايدالانۋشى ەكرانىندا بۇل تۋرالى حابارلاما شىعارىلادى.

سەرۆيس بايلانىس وپەراتورلارى كورسەتەتىن «اتا-انالىق باقىلاۋ» قىزمەتىنە ۇقساس، بىراق «قاۋىپسىز DNS» سەرۆيسى اقىسىز كورسەتىلەدى جانە بارلىق ينتەرنەت سەگمەنتىن پايدالانۋشىلارعا قولجەتىمدى.

سەرۆيستى ىسكە قوسۋ ءۇشىن پايدالانۋشىعا كومپيۋتەردىڭ (Windows) باپتاۋلارىندا كەلەسى ءىس-قيمىلداردى ورىنداۋ قاجەت:

جەلىلەردى جانە جالپى قولجەتىم­دىلىكتى باسقارۋ ورتالىعى => اداپتەردىڭ پارامەترلەرىن وزگەرتۋ => اشىلعان تەرەزەدە ءتىنتۋىردىڭ وڭ جاق پەرنەسىمەن اداپتەردىڭ Ethernet0 بەلگىسىن باسۋ جانە «ەرەكشەلىكتەر» كومانداسىن شەرتۋ=> «4 (TCP/IPv4)» TCP/IPv4) IP نۇسقاسىن» تاڭداۋ جانە «ەرەكشەلىكتەر» كومانداسىن شەرتۋ => DNS-سەرۆەرلەردىڭ كەلەسى مەكەنجايلارىن پايدالانۋ => قولايلى DNS-سەرۆەر => 91.214.42.211 => بالامالى DNS-سەرۆەر => 91.214.42.212 => «شىعۋ كەزىندە پارامەترلەردى راستاۋ» قارسىسىندا قاناتشا بەلگىسىن قويۋ جانە OK باسۋ. ودان ءارى DNS-سەرۆەرلەر كەشىن جاڭارتۋ قاجەت. ول ءۇشىن ىسكە قوسۋ ءمازىرىن باسىڭىز> «باعدارلامالار مەن فايلداردى تابۋ» ورىسىنە cmd ەنگىزىڭىز > ءتىنتۋىردىڭ وڭ جاق پەرنەسىمەن تابىلعان سىلتەمەنى باسىپ، «اكىمشىدەن ىسكە قوسۋدى» تاڭداڭىز. كوماندالىق جولدا ipconfig /flushdns كومانداسىن ەنگىزىڭىز جانە Enter باستىرماسىن باسىڭىز. كومپيۋتەردى قايتا جۇكتەڭىز.

سونىمەن قاتار بارلىق جۇمىس بەرۋشىلەردى ينفراقۇرىلىمنىڭ تۇتاستىعى مەن اقپاراتتىق قاۋىپسىزدىكتى قامتاماسىز ەتۋ ءۇشىن قىزمەتكەرلەردى اقپارات جىبەرىلەتىن شيفرلانعان بايلانىس ارنالارىمەن قامتاماسىز ەتۋگە شاقىرامىز.

ال قىزمەتكەرلەردى:

جۇمىس ستانساسىندا پارول ورناتۋعا;

كورپوراتيۆتىك ينفراقۇرىلىمدا قابىلدانعان بارلىق قاۋىپسىزدىك ساياساتتارىن ساقتاۋعا;

اقپاراتتى جىبەرۋ ءۇشىن كورپوراتيۆتىك پوشتانى پايدالانۋعا;

قۇپيا اقپاراتتى المالى تاسىعىشتاردا ساقتاۋعا;

باعدارلامالاردى قاشىقتان قول جەت­كىزۋ جانە قاشىقتان قوسىلۋ ءۇشىن پايدالانباۋعا;

جاڭا باعدارلامالىق قامتىلىمدى نەمەسە جابدىقتى ورناتپاۋعا;

ونداعى روۋتەر مەن ءپارولدى جاڭارتۋعا;

سەانستى اياقتاۋدان بۇرىن مىندەتتى تۇردە اقپاراتتىق جۇيەدەن شىعۋعا;

وقيعالار جۋرنالدارىن قاراۋدى ۇمىتپاۋعا نەمەسە كۇدىكتى وقيعالار كەزىندە حابارلامالاردى اكىمشىگە جىبەرۋدى ۇيىمداستىرۋعا شاقىرامىز.

 سىمسىز ارنانىڭ جانە بايلانىس جاي-كۇيىنىڭ ارتىق جۇكتەمەسىنە جول بەرمەۋ ماقساتىندا روۋتەرگە قوسىلعان قۇرىلعىلار سانىن شەكتەۋدى ۇسىنامىز.

 

كۇدىكتى ينتەرنەت-رەسۋرستار نەمەسە جىبەرىلىمدەر ايقىندالعان جاعدايدا، ماماندارعا 1400 (تاۋلىك بويى) اقىسىز ءنومىرى بويىنشا حابارلاۋدى نەمەسە https://cert.gov.kz/notify-incident، https://t.me/kzcert سىلتەمە ارقىلى ءوتىنىم جىبەرۋدى، سونداي-اق incident@kz-cert.kz ەلەكتروندى مەكەنجايىنا حات جىبەرۋدى سۇرايمىز.

 

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار