ايماقتار • 26 ناۋرىز، 2020

ەلگەزەك ەرنار مەن اق نيەتتى ايجان

45 رەتكورسەتىلدى

ۇستىمىزدەگى جىلدىڭ باسىنان باستاپ شورتاندى اۋدانىندا gazvolonteer.kz سايتىندا تىركەلگەن «سەنىم» ۆولونتەرلەر ورتالىعى جۇمىس ىستەيدى. داقپىرتى مەن داڭعازاسى كوپ اشىلۋ سالتاناتى وتكىزىلمەگەن، توڭىرەگىنە جاسالعان قامقورلىقتارىن كوپ ايتىپ جارنامالاپ تا جاتقان جوق. ءبىر ايتا كەتەرلىگى، بۇل ورتالىق «ۆولونتەر جىلى» جاريا ەتىلەردىڭ الدىندا قۇرىلعان.

اۋداندىق ايماقتىق جاستار ورتالى­عى­نىڭ جەتەكشىسى ىڭكارىم قابىلحاننىڭ ايتۋىنا قاراعاندا، پەيىلى كەڭ، جۇرەگى جومارت، جاناشىر جانداردىڭ باسىن قوسىپ وتىرعان جالعىز ماقسات – جال­عىزباستى جاندارعا قامقورلىق كور­سەتۋ. ءسويتىپ تاعدىر تالكىسىنە تۇسكەن ادام­دار­دىڭ جۇرە­گىن وزدە­رى­نىڭ ىزگى دە ىزەتتى، پارا­ساتتى ءىس-قي­مىل­دارى­مەن ءجىبىتۋ، ءار كوڭىل­دە سەنىم ۇيا­لاتۋ. ءبىز­دىڭ قوعامدا مەيى­رىم­دىلىكتىڭ مول ەكە­ن­ىن، قاجەت كەزىندە ەشكىم­نىڭ دە قام­­قور­لىقسىز قال­مايتىنىن ۇقتىرۋ.

ورتالىقتا جالپى وتىزعا جۋىق ادام بار. ولاردىڭ باسىم بولىگى ستۋدەنتتەر مەن جوعارى سىنىپ وقۋشىلارى. جۇمىس­شى جاستار ازداۋ.

– ءبىز ەندى وسى باعىتتا دا جۇمىس ىستەۋى­مىز كەرەك، – دەيدى ىڭكارىم قابىل­حان، – قۇرىش قولدى جۇمىسشى جاستار­دىڭ وزگە زا­مان­داستارىمەن بىرگە زامانا تالابىنا وراي قوزعالىستىڭ بەل ور­تا­سىندا جۇرگەنى جاقسى عوي. ال ورتا­لىقتىڭ نەگىزگى باعى­تى اۋدانداعى ۆولون­تەرلەر قوزعالىسى­نىڭ الدىڭعى لەگىنەن تابىلىپ، ەگدە، جالعىز­باستى، كوپ ­بالالى وتباسىلارىنا كومەك قولىن ۇسىنۋ. سونداي-اق ەل نازارىن اۋدارۋ ءۇشىن قىز­عىلىقتى ءىس-شارالاردى وت­كىزۋدى دە ويلاس­تىرۋدا. جالعىز قول كۇشىن قاجەت ەتەتىن ءىستى عانا تىندىرماي، رۋحاني دەمەۋ بولاتىن مازمۇندى دۇنيە­لەر­دىڭ مانى­مەن زامانداستاردىڭ كوكى­رە­گى­نە جار­ق­ىن ساۋلە قۇيساق، – دەيدى.

بيىلعى قىس قاتال بولدى. ايازىنان بۇرىن قارى قالىڭ. تىپتەن ەرىكتىلەردىڭ ەرىك-جىگەرىن تارازى باسىنا تارتپاق بول­عانداي. قايىرىمدى جاندار شو­ر­تاندى اۋىلىنداعى كوپتەگەن كوشەنىڭ، كۇرەك ۇستاۋعا شاماسى جوق جانداردىڭ اۋلالارىن تازالاپ شىقتى. كومىر ءۇيدى، وتىن جاردى، سۋ تاسىدى.

ۆولونتەرلەردىڭ ءبىرى – شورتاندى №3 ورتا مەكتەبىنىڭ 10 سىنىپ وقۋشىسى ەركىن جارقىنبەكوۆ. ەرناردىڭ ايتۋىنا قاراعاندا، «سەنىم» ورتالىعى تۋرالى حابار قۇلاعىنا تيىسىمەن بىردەن جەتكەن. ويتكەنى، كوڭىلى قالايتىن، جۇرە­گىنە جاقىن شارۋا ەكەن. وتباسىندا دا قايى­رىمدىلىق قاعيداتتارى تۋرالى ەس بىلگەلى ايتىلىپ كەلەدى.

– مۇنداي جان جادىراتار جاناشىر­لىق شارالارى ءبىر مەزەتتىك نەمەسە ءبىر جىل­دىق بولماۋى كەرەك، – دەيدى ەركىن جار­قىنبەكوۆ. مىسالى، مەن بۇرىن بوگ­دە، ەگدە ادامدارعا كومەك بەرۋگە قىم­سى­نا­تىن ەدىم. ءبىر ءتۇرلى ۇيات ءتارىزدى بولىپ كورىنگەن. مەنىڭ اق ادال پەيىلىمدى دۇ­رىس ۇقپاي قالا ما دەپ ويلايتىنمىن. سون­دىق­تان باستاما كوتەرىلگەن كەزدە كوكەيىم­دە جۇرگەن كورىكتى وي ءوز ارناسىن تاپتى. ۇلكەندەردىڭ ايتۋىنا قاراعاندا، باتادان باعالى ەشتەڭە جوق. حالقىمىزدا «باتالى قۇل ارىماس» دەگەن ادەمى ءسوز بار عوي.

ەلگەزەك ەرنار مەكتەپتى بىتىرگەن سوڭ دا جالعىزباستى جاندارعا كومەكتەسە بەرمەك. وسى قاسيەتتەن بويىمدا كۇش-قۋات باردا ارىلمايمىن دەيدى. ونىڭ سىنىپتاسى ايجان قويلىباي ەرنارعا قاراعان­دا ۆولونتەرلەر قوزعالىسى تۋرالى ءسال ەرتەرەك ەستىپتى. ايجان ءوز قۇر­بى­­لارى­نىڭ بو­­يىندا وزگەگە دەگەن جانا­شىرلىق قاسيەتتىڭ كوپتىگىنە قۋانادى. ونىڭ ويىنشا، جاس تولقىن جاقسىلىق جاساۋ­عا ىنتىق بولسا، وزدەرى دە پەيىلى كەڭ، كوڭىلى تازا ادام بولىپ قالىپتاسپاق.

ءبىزدى ءبىر قۋانتقانى، جاستار كادىمگى ءومىر كورگەن، تاجىريبە جيناقتاعان ەگدە ادام­­­دار ءتارىزدى پايىمدايدى ەكەن. زايى­رى جاق­سىلىق جاساۋ جاسقا قارا­مايدى ەكەن عوي. ەڭ باستىسى ءبىلىم وشاعىندا ەلگەزەك ەرنار مەن اق نيەتتى ايجان ءتارىزدى وقۋشىلار كوپ.

ورتالىق جەتەكشىسى ىڭكارىم قابىل­حاننىڭ باسشىلىعىمەن جىل ىشىندە ات­قارىلاتىن جوسپار ءتۇزىلىپتى. ارينە قاتىپ قالعان نارسە ەمەس. قاجەتتىلىگىنە وراي تولىقتىرىلىپ، بايىتىلىپ وتىر­ماق. قاتارى كۇننەن-كۇنگە ءوسىپ كەلە جات­قان جاناشىر جاستاردىڭ بويىنداعى جاق­سى­لىقتىڭ جالىنى جان دۇنيەڭە جارقىن ساۋلە تۇسىرەدى.

 

اقمولا وبلىسى،

شورتاندى اۋدانى

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار