رۋحانيات • 26 ناۋرىز، 2020

«QOSYL» ۆولونتەرلەر قاتارىن كوبەيتەدى

79 رەتكورسەتىلدى

مەملەكەت باسشىسى قاسىم-جومارت توقاەۆتىڭ باستاماسىمەن قولعا الىنعان «ۆولونتەر جىلىنا» وراي قىزىلوردا قالالىق جاس­تار ورتالىعى رەبرەندينگ جاساپ، اتاۋىن جاڭارتىپ، قىزمەت اياسىن كەڭەيتە ءتۇستى.

بۇدان بىلاي «Qosyl» قالالىق جاستار رەسۋرستىق ورتالىعى اتالاتىن مەكەمەگە ارنايى كەلگەن قالا اكىمى نۇرلىبەك نالىباەۆقا «جاس سارباز» رەسپۋبليكالىق اسكەري-پاتريوتتىق قوزعالىسىنىڭ وبلىس­­تىق ۇيىمى جەتەكشىسى ايدوس قوجا­مۇراتوۆ راپورت بەرىپ، كلۋب مۇشەلەرى قارۋدى بولشەكتەپ-جيناۋدان ۇيرەنگەن ماشىقتارىن كورسەتتى. قازىر قالا مەك­تەپتەرىنىڭ 1500-گە جۋىق وقۋشىسى وسى ۇيىم مۇشەسى سانالادى.

«Qosyl» قالالىق جاستار رەسۋرستىق ورتالىعىنىڭ ديرەكتورى كەڭشىلىك سابىرجان ورتالىقتىڭ جۇمىسى مەن الداعى جوسپارى تۋرالى ايتتى.

ۆولونتەرلىك باعىتتاعى جوبالار قالا­دا 5 جىل بۇرىن قولعا الىنعان. قازىر 20-دان استام ۇيىم ءتۇرلى باعىتتا قىزمەت ەتىپ كەلەدى. ەندى «Qosyl» سولاردىڭ باسىن بىرىكتىرىپ، جاستاردىڭ بوس ۋاقىتىن ءتيىمدى ۇيىمداستىرۋ، NEET ساناتىنداعىلارمەن جۇمىستى كۇشەيتۋ، سۋيتسيد پەن قۇقىق بۇزۋشىلىقتىڭ الدىن الۋ، ونلاين كەڭەس بەرۋ سەكىلدى باعىتتار جاندانا تۇسەدى.

 قالا باسشىسىنا «28 ىلمەك» ۆولونتەرلەر كلۋبىنىڭ جەتەكشىسى ايگەرىم نۇرلان اتقارىپ جاتقان جۇمىستارىن تانىستىردى. شالا تۋعان سابيلەرگە تابيعي جۇننەن كيىم توقيتىندار قاتارى جىل سايىن ارتىپ كەلەدى. وسىعان دەيىن 1500-دەن استام بالاعا توقىما كيىم تارتۋ ەتكەن كلۋب مۇشەلەرى وندىرىسكە قاجەتتى ماتەريالدى وزدەرى ساتىپ الىپ كەلىپتى. بىلتىردان باستاپ «سامۇرىق-قازىنا» قورىنىڭ گرانتىن ۇتىپ الىپ، شاعىن باسپاحانا اشتى. ەندى سودان تۇسكەن تابىستى وسى ءىستى جانداندىرۋعا جۇمساپ، قايىرىمدىلىق اياسىن كەڭەيتە تۇسپەك.

ءىس-شارادا «قىزىلوردا – قايىرىمدى جاندار» ۆولونتەرلەر توبىنىڭ جۇمىسى دا تانىستىرىلدى. قازىر «الەم سىزبەن ادەمى» جوباسىن قولعا العان توپ مۇشەلەرى وڭالتۋ ورتالىقتارى مەن «اتامەكەن» بالالار اۋىلى، «انالار ءۇيى»، «قارتتار ءۇيى» تۇرعىندارى ءۇشىن سۇلۋلىق سالوندارى قىزمەتىن تەگىن ۇسىنادى. ال «وزات» جوباسى اياسىندا كوپ بالالى جانە الەۋمەتتىك جاعىنان از قامتىلعان وتبا­سىلار بالالارى ءتۇرلى ۇيىرمەلەرگە قاتىسادى.

كەزدەسۋدە قالا باسشىسى اتاۋلى جىل­داعى باستامالار تۋرالى بايان ەتتى. بيىل وبلىس ورتالىعىندا 12 الەۋمەتتىك جوبا جۇزە­گە اسىرىلادى. قازىر «Birgemiz» ەرىكتى­لەر كورپۋسى» ارنايى جوباسى باستاۋ الىپ، ۆولونتەر جاستاردىڭ بازاسى قۇرىلۋدا.

– وسى جىلى ەرىكتىلىك پەن بەلسەن­دىلىك­تىڭ ۇلگىسىن تانىتىپ جۇرگەن جەرلەس­تەرىمىز اراسىندا ارنايى بايقاۋ جاريالانادى. جىل كولەمىندە ۆولونتەرلەر قوزعالىسىنا ەرەكشە اتسالىسقان ازاماتتاردى انىق­تاپ، ەڭبەگىنە العىس رەتىندە شەتەلگە سايا­حات جولداماسىن تابىستايمىز. ولار سول ساپاردان قالا مادەنيەتىن دامىتۋ، قور­شاعان ورتانى كوركەيتۋ، كوگالداندىرۋ باعىتىندا تىڭ يدەيالار الىپ كەلەدى دەگەن ويدامىز جانە سونى وبلىس ورتالىعىندا جۇزەگە اسىرۋىنا قولداۋ جاسايمىز، – دەدى قالا اكىمى نۇرلىبەك نالىباەۆ.

 

قىزىلوردا

 

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار