ايماقتار • 25 ناۋرىز، 2020

تارازدا 4000-عا جۋىق مەديتسينالىق ماسكا تەگىن تاراتىلىپ جاتىر

82 رەتكورسەتىلدى

كوروناۆيرۋس ىندەتىنىڭ الدىن الۋعا بايلانىستى تاراز قالالىق اكىمدىگىنىڭ باستاماسىمەن 4000-عا جۋىق مەديتسينالىق ماسكا تىگىلىپ، ولار كوپبالالى جانە الەۋمەتتىك جاعدايى تومەن وتباسىلارعا تەگىن تاراتىلدى. بۇل رەتتە قالالىق بىرقاتار مەكەمە مەن قالا تۇرعىندارى دا جالعىزباستى قارتتارعا ازىق-ت ۇلىك جەتكىزىپ بەرسە، كەيبىر ازاماتتار تۇرعىندارعا مەديتسينالىق ماسكالار مەن زالالسىزداندىرۋعا ارنالعان ءتۇرلى قۇرالداردى تەگىن تاراتىپ، كومەك قولىن سوزۋدا.

تاراز قالاسىنداعى «التىن-اي» تىگىن اتەلەسى مەرەكەلىك دەمالىستارعا قاراماستان مەديتسينالىق ماسكالار تىگىپ، ونى تۇرعىندارعا تەگىن تاراتۋدى باستادى. تارازداعى كەز-كەلگەن تۇرعىن تاڭەرتەڭنەن كەشكە دەيىن جۇمىس ىستەپ وتىرعان شەبەرحاناعا كەلىپ، مەديتسينالىق ماسكالاردى تەگىن الا الادى. اتالعان شەبەرحانا باسشىلىعىنىڭ دا ماقساتى – كوپبالالى جانە از قامتىلعان وتباسى مۇشەلەرىنە كومەكتەسۋ ەكەن.

«بۇگىندە بەس تىگىنشى كۇنىنە 1000-عا جۋىق مەديتسينالىق ماسكا تىگۋدە. جالپى، ءبىزدىڭ اتەلە 2004 جىلدان بەرى جۇمىس ىستەپ كەلەدى. قىز-كەلىنشەكتەرمەن بىرگە وسىنداي قيىن كەزدە ۇيدە وتىرماي، قولدان كەلگەنشە ءدارىحانالاردا جوق مەديتسينالىق ماسكالاردى بىرگە تىگەيىك دەپ شەشتىك» دەيدى «التىن-اي» تىگىن شەبەرحاناسىنىڭ باسشىسى التىناي بەكەنوۆا.

تىگىنشىلەرگە قاجەتتى ماتالار مەن قۇرالدار تاراز قالاسى اكىمدىگىنىڭ تاراپىنان الىنىپ بەرىلگەن. «اقجۇنىس» انالار قوعامىنىڭ جەتەكشىسى جانات ەستاەۆا وسىنداي جاۋاپكەرشىلىگى مول جۇمىستى باستاعان «التىن-اي» تىگىن شەبەرحاناسىنا ءوزىنىڭ العىسىن ءبىلدىردى. اتالعان تىگىن اتەلەسى بۇگىندە 4000-نان استام مەديتسينالىق ماسكانى تىگىپ، «اقجۇنىس» قوعامىنا تاپسىرىپتى. ال اتالعان ۇيىم بۇل زاتتاردى ءتيىستى مەكەنجايلارعا تاراتىپ جاتىر ەكەن. ءبىر ايتا كەتەرلىگى، تىگىنشى قىز-كەلىنشەكتەر مەديتسينالىق ماسكالاردى اقىسىز تىگۋدە.

بۇگىندە «التىن-اي» تىگىن اتەلەسى تىككەن ماسكالاردى الۋشىلاردىڭ قاتارى كوپ.

ء«بىز ۇيدەن شىعىپ جاتقان جوقپىز. ءبىر بالام الماتى قالاسىندا. بۇگىندە قالاداعى ەشبىر ءدارىحانادان مەديتسينالىق ماسكا تاپپادىق. كورسەتىپ جاتقان جاقسىلىقتارىڭىزعا مىڭ العىس. ەڭ باستىسى – ەلىمىز امان، جۇرتىمىز تىنىش بولسىن» دەيدى جەتى بالانىڭ اناسى كۇنسۇلۋ كۇزەنباەۆا.

بۇل باستاما الداعى ۋاقىتتاردا دا جالعاسىن تاباتىن بولادى.

 

جامبىل وبلىسى

 

   

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار