ال وزگە ايماقتارداعى احۋال قالاي بولىپ جاتىر؟! مىسالى, الماتى مەن نۇر-سۇلتان نەمەسە ىرگەمىزدەگى شىمكەنت, اقتوبە شاھارلارى سەكىلدى ۇلكەن بولماعانىمەن قىزىلوردا قالاسىنىڭ دا تىرشىلىگىنە كادىمگىدەي وزگەرىس ەندى. وبلىس ورتالىعىنداعى ساۋدا ورىندارى مەن بازارلار بىرلەن باقىلاۋعا الىندى. توعىز كۇننىڭ ىشىندە رەيدتەر مەن تەكسەرۋلەر ۇزدىكسىز جۇرگىزىلىپ, ء بىراز ماسەلە شەشىمىن تاپتى. قازىر قالاعا كىرەتىن, شىعاتىن جولدارعا باقىلاۋ بەكەتتەرى قويىلدى.
شاھار ىشىندە بۇرىنعىداي شۋلى تىرشىلىك جوق. تەمىر جول ۆوكزالى تەمىردەي تارتىپكە كەلتىرىلگەن. جولاۋشى ىزدەپ, پەررونعا دەيىن شىعىپ كەتەتىن تاكسيستەر مۇلدەم كورىنبەيدى. پەررونعا شىعاتىن قاقپالار جابىلعان. تەك عيمارات ارقىلى شىعا الاسىز. بيلەت ساتاتىن كاسسالارعا ادامداردىڭ بىرتىندەپ كىرۋى باقىلاۋعا الىنىپتى.
انشەيىندە تىرشىلىگى قايناپ جاتاتىن پەررون تىم-تىرىس. ۆوكزال قىزمەتكەرلەرىنىڭ ايتۋىنشا پويىزبەن قاتىنايتىن جولاۋشى دا سيرەگەن كورىنەدى.
ۆوكزالدان شىعىپ, قالانى قاق جارا ءوتىپ, وبلىس ورتالىعىنىڭ ىرگەسىندەگى تاسبوگەتتەن توقتايتىن № 11 مارشرۋتقا وتىردىق. ىشتە جولاۋشى از, كوندۋكتور بۇرىن مارشرۋتتىڭ باسى مەن اياعىنا جەتكەنشە ءبىر ساعات جۇرسە, قازىر ول ۋاقىت ەكى ەسەگە جۋىق قىسقارعانىن ايتادى. ايالدامالاردا دا بۇرىنعىداي جولاۋشى تەرىپ تۇرمايتىن بولعان.
قالاداعى ءىرى ساۋدا ورتالىقتارىنىڭ ءبىرى «جاينا» بازارىندا دا كىسى اياعى سيرەپتى. ادام مەن كولىك اعىنى ۇزىلمەيتىن قازىبەك بي كوشەسىنىڭ بويى دا الابوتەن تىپ-تىنىش.
مادەنيەت ۇيلەرى مەن مۋزەيلەردىڭ سىرتىندا جۇمىستارىن ۋاقىتشا توقتاتقاندارى تۋرالى ەسكەرتپە ءىلىنىپ تۇر. قالا ورتالىعىنداعى باتىرحان شوكەنوۆ ساياباعىندا دا قۇلاققا ۇرعان تاناداي تىنىشتىق ورناعان.
قالا اكىمى ءباسپاسوز قىزمەتىنىڭ حابارلاۋىنشا شاھاردا توتەنشە جاعداي تالاپتارىنىڭ ساقتالۋى قاتاڭ قاداعالاۋدا تۇر. ارنايى قۇرىلعان كوميسسيا كۇن سايىن تەكسەرۋ جۇرگىزۋدە.
قالادا قاربالاس ازايعانىمەن حالىققا اسا قاجەتتى قىزمەت سالالارىنىڭ جۇمىسى كوبەيدى. اسىرەسە, قازىر سالەمدەمەلەردى, ءتۇرلى تاپسىرىستاردى ۇيگە جەتكىزىپ بەرەتىندەردىڭ كۇنى تۋىپ تۇر.
قىزىلوردا
