ەرىكتى جاستار وبلىس ورتالىعىنداعى ءجۇرىپ-تۇرۋى قيىن نەمەسە سىرقات مەڭدەگەن قاريالاردى قامقورلىقتارىنا الىپ وتىر. ولار ازىق-ت ۇلىك پاكەتتەرى مەن ءدارى-دارمەكتەرىن ەگدە ادامداردىڭ پاتەرلەرىنە جەتكىزىپ بەرۋدە. ەمحانادا ەسەپتە تۇراتىن اتالار مەن اجەلەرگە قاجەتتى ءدارى-دارمەكتى قالاداعى ءدارىحانالاردان ساتىپ الىپ, مەكەنجايلارىنا جەتكىزەدى. قازىر مۇنداي جاناشىرلىق ءىس-ارەكەت وبلىستىڭ بارلىق اۋداندارىندا قولعا الىنعان. ناقتىلاپ ايتساق, ەرىكتىلەر ەكى مىڭنان استام قاريالارعا قوللعانات بولىپ وتىر. اۋىلدىق جەرلەردە اۋلالاردى قاردان تازالاۋ, قارعىن سۋ اعىپ كەتۋ ءۇشىن ور قازۋ ءتارىزدى جۇمىستار دا اتقارىلۋدا. قازىرگى ساتتە تازالىق باستى نازاردا. جالىندى جاستار قاريالار تۇراتىن ۇيلەردىڭ ماڭايىن تازالاۋعا دا ات سالىسىپ ءجۇر. ىزگى نيەتتىڭ ارقاسىندا كەمباعال قارتتار قيىندىقپەن جالعىز الىسپايتىنىن سەزىنىپ, اق العىستارىن جاۋدىرۋدا. دىتتەگەن جەرىنە جەتكەن قامقورلىقتىڭ ءوزى كوڭىل جادىراتادى ەمەس پە.
–وسى ءبىر قاريالاردىڭ كوڭىلىن كوتەرەتىن قولعابىسپەن بىرگە قالاداعى ساۋدا ورىندارى مەن كوپشىلىك جينالاتىن جەرلەردە ءارتۇرلى ەسكەرتپەلەر جازىلعان پاراقشالاردى تاراتىپ, ادامداردى ساقتانۋعا ۇندەپ ءجۇر,–دەيدى اقمولا وبلىستىق جاستار رەسۋرستارى ورتالىعىنىڭ باسشىسى انارگۇل بەلگىباەۆا,–وعان قوسا «مەنىڭ ءۇيىم – مەنىڭ دەنساۋلىعىم» چەللەندجىن دايىندادىق. قالا تۇرعىندارى كوپقاباتتى ۇيلەرىنىڭ كىرە بەرىستەرىن تازالاپ, ساقتانۋدا.
بىرلىك بەكەم بولسا, ىنتىماق تا ۇلعاي تۇسەدى.
اقمولا وبلىسى
