وبلىس ورتالىعىنداعى ۆەرنادسكي كوشەسىندەگى كوپقاباتتى 11-ءىنشى ءۇي اپاتتى جاعدايدا بولعاندىقتان, انە-مىنە سۇرىلەدى دەپ كۇتىلگەن بولاتىن. توقسان وتباسىعا قالا اكىمىنىڭ ورىنباسارى س.شاباروۆتىڭ ايتۋى بويىنشا جالدامالى پاتەرلەر بەرىلەدى دەلىنگەن. بىراق, بۇل شەشىم تۇرعىنداردىڭ نارازىلىعىن تۋعىزدى. بۇگىنگى كۇنى قالا باسشىلىعى ەل تىلەگىن ەسكەرە كەلە, قيىن ءتۇيىننىڭ ءتيىمدى شەشىمىن تاۋىپ وتىر. قالا اكىمى امانگەلدى سمايىلوۆتىڭ ايتۋىنا قاراعاندا, اپاتتى ۇيدە تۇراتىن تۇرعىندار وزدەرىنىڭ پاتەرلەرىنە ساي كولەمدەگى جاڭا باسپاناعا يە بولماق.
–سوڭعى شەشىم ادىلەت باسقارماسىندا. ءبىز قولعا الىپ وتىرعان شارانىڭ زاڭدىلىعىن سولار تەكسەرەدى. ءبىز ءوز تاراپىمىزدان تۇرعىنداردىڭ ءتىزىمىن جاساپ, كىمنىڭ قانشا شارشى مەتر باسپاناسى بار ەكەندىگىن ەسەپتەۋدەمىز,–دەيدى قالا اكىمى.
قالا باسشىلىعىنىڭ شەشىمىن اپاتتى ءۇيدىڭ تۇرعىندارى قۋانىشپەن قارسى الدى. ولاردى دا ابدەن تۇسىنۋگە بولادى. وزىڭدىكى بولعانعا نە جەتسىن؟!
