قوعام • 24 ناۋرىز، 2020

ەلوردادا ماسكا مەن انتيسەپتيك ازىرلەپ، ونى زاڭسىز ساتىپ كەلگەن تسەح تابىلدى

32 رەت كورسەتىلدى

نۇر-سۇلتان قالاسىنىڭ پروكۋراتۋراسى جانە پوليتسيا دەپارتامەنتى قىزمەتكەرلەرىنەن تۇراتىن بىرلەسكەن ءموبيلدى توپ جالپى مولشەرى 900 ليتر، ارقايسىسى 5 ليترلىك 180 دانا پلاستيكالىق ساۋىتتارعا قۇيىلعان مەديتسينالىق پرەپاراتتاردى زاڭسىز كوتەرمە ساۋدا وتكىزۋ فاكتىسى بويىنشا جول بەرىلمەدى، دەپ حابارلادى قالا اكىمدىگىنىڭ رەسمي سايتى.

كارانتين ۋاقىتىندا ەلوردالىق قۇقىق قورعاۋ ورگاندارى مەديتسينالىق زاتتاردى زاڭسىز ازىرلەۋ، كوتەرمە باعامەن ساتۋ فاكتىسى بويىنشا قالا بويىنشا تەكسەرىس جۇمىستارىن جۇرگىزۋدە.

قۇقىق قورعاۋ ورگاندارىنىڭ قىزمەتكەرلەرى رەيد بارىسىندا تۇرعىن ءۇيدىڭ بازاسىندا جاساقتالعان كىشىگىرىم تسەحتى انىقتاپ، ازاماتتاردىڭ كونتەينەرلەردە 9 توننا سپيرتتىك سۇيىقتىقتى زاڭسىز ساقتاعاندىعى ايقىندالدى. زاڭسىز جاسالعان جانە ساتۋعا ارنالعان ءونىمنىڭ جالپى سوماسى 27 ملن تەڭگەنى قۇرايدى. مەديتسينالىق پرەپاراتتاردى ساتۋ جانە ەتيل ءسپيرتىن اينالىمعا شىعارۋ ليتسەنزيالىق قىزمەت تۇرىنە جاتاتىندىعىن ەسكەرە وتىرىپ، ليتسەنزياسىز زاڭسىز كاسىپكەرلىك قىزمەتپەن اينالىسۋ فاكتىسى بويىنشا قر قك-ءنىڭ 214-بابىنىڭ 1-بولىگىمەن سوتقا دەيىنگى تەرگەۋ باستالدى.    

شۇعىل تەرگەۋ ارەكەتتەرىن جۇزەگە اسىرعان سوڭ، قىلمىستىق ءىس نۇر-سۇلتان قالاسى بويىنشا ەكونوميكالىق تەرگەۋ دەپارتامەنتىنە جولداندى. قازىرگى ۋاقىتتا توتەنشە جاعداي رەجيمىنىڭ ساقتالۋىن قامتاماسىز ەتۋ بويىنشا ەلوردانىڭ قۇقىق قورعاۋ ورگاندارىمەن ءتيىستى جۇمىستار جالعاستىرىلۋدا.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ۇقساس جاڭالىقتار