قوعام • 23 ناۋرىز، 2020

پرەزيدەنت تاپسىرماسىن ورىنداۋ ءۇشىن الماتىدا جول كارتاسى جاسالادى

384 رەتكورسەتىلدى

الماتىدا پرەزيدەنت تاپسىرمالارىن جۇزەگە اسىرۋ ماقساتىندا جەدەل جول كارتاسى ازىرلەنەدى. بۇگىن قالا اكىمى باقىتجان ساعىنتاەۆ قازاقستان پرەزيدەنتىنىڭ توتەنشە جاعداي جونىندەگى مەملەكەتتىك كوميسسيا جيىنىندا بەرگەن تاپسىرمالارىن جۇزەگە اسىرۋ جونىندەگى قالالىق جەدەل شتابتىڭ شۇعىل وتىرىسىن وتكىزدى.

شاھار باسشىسى باقىتجان ساعىنتاەۆ بارلىق مىندەتتەمەلەردى ءبولىپ، ولاردى ماقساتىندا ناقتى تاپسىرمالار بەردى.

ەڭ ماڭىزدىسى – قالانىڭ كارانتيندىك ايماعىن تولىعىمەن قورشاۋعا الۋ جانە الماتىعا كەز كەلگەن تاسىلمەن كىرىپ-شىعۋ مۇمكىندىگىن تيۋ بولىپ تابىلادى.

«قالاعا زاڭسىز كىرۋگە نەمەسە قالادان زاڭسىز شىعىپ كەتۋگە تىرىسقان جاندارعا كارانتيننىڭ ورتاق يگىلىگىمىز ءۇشىن ەنگىزىلگەنىن جەتە ءتۇسىندىرۋ كەرەك. ادامداردىڭ دەنساۋلىعى مەن ءومىرىن ساقتاۋ ماڭىزدى بولىپ تۇر. ول ءۇشىن كوروناۆيرۋستىق ينفەكتسيانىڭ تارالۋىنا جول بەرمەۋىمىز كەرەك. ءبىز ەۋروپا ەلدەرىندە ورىن العان كىدىرىستىڭ سالدارىنان قاۋىپتى ۆيرۋستىڭ پاندەمياسى تارالعانىن بىلەمىز. وسىدان قورىتىندى شىعارىپ، ونىڭ الدىن الۋ بويىنشا ارەكەت ەتۋدەمىز»، – دەپ اتاپ ءوتتى باقىتجان ساعىنتاەۆ.

مەملەكەت باسشىسى تاپسىرعان ءىس-شارالاردىڭ شەڭبەرىندە كارانتينگە جاتقىزىلعان ادامداردىڭ كارانتين تالابىن بۇزعانى ءۇشىن جازا قولدانۋ تيىستىگى ايتىلعان. بۇدان وزگە قوعامدىق كەڭىستىكتى پاترۋلدەۋ، جارىق قويۋ جانە بەينە-باقىلاۋمەن جابدىقتاۋ بويىنشا شارالار كۇشەيتىلەدى.

سونداي-اق حالىق جۇرەتىن قوعامدىق نىسانداردا سانيتارلىق وڭدەۋ جۇمىستارى جۇرگىزىلە بەرەدى. بارلىق حقكو ۋاقىتشا جابىلادى. قالا كەڭىستىگىن دەزينفەكتسيالاۋ ءۇشىن كوممۋنالدىق تەحنيكا قايتا جابدىقتالادى.

ءتۇرلى قاتىناس جولدارى ارقىلى شەتەلدەن، سونىڭ ىشىندە ەاەو ەلدەرىنەن كەلەتىن بارلىق جولاۋشىلاردى وقشاۋلاۋ جونىندەگى جۇمىستار جالعاسا بەرەدى. سونداي-اق مەديتسينالىق مەكەمەلەردىڭ جۇمىس ءتارتىبى تۋرالى ءتۇسىندىرۋ جۇمىستارى جالعاسۋدا. كاسىپكەرلەر مەن ازاماتتار ءۇشىن بلوك-بەكەتتەردەن ءوتۋ ءتارتىبى مەن ەرەجەلەرى تۋرالى جادىنامالار ازىرلەندى.

سونداي-اق، جاستاردىڭ جاسامپازدىعىن قامتاماسىز ەتۋ بويىنشا ونلاين تارتىپتە ءتۇرلى جارىستار مەن دارىستەر وتكىزىلەدى. بۇدان بولەك ەڭبەك جانە حالىقتى الەۋمەتتىك قورعاۋ مينيسترلىگى توتەنشە جاعداي كەزىندە ەڭبەكاقىدان ايىرىلعان ادامدارعا 1 ااك (42 500 تەڭگە) كولەمىندە ايلىق تولەم جۇرگىزۋ ماسەلەسى پىسىقتالماق.

كوپبالالى وتباسىلارعا، مۇگەدەكتەر مەن حالىقتىڭ الەۋمەتتىك وسال توپتارىنا تەگىن ازىق-ت ۇلىكپەن تۇرمىستىق جيىنتىق تاراتىلماق.

ءار تاپسىرما بويىنشا ناقتى ورىنداۋ شارالارى ازىرلەنەتىن بولادى.

سوڭعى جاڭالىقتار

ۇقساس جاڭالىقتار